तस्वीर : हर्क सामपाङ शैलीमा मूल्य वृद्धिको विरोध गर्दै आकाश बास्तोला

सुनिल शर्मा

काठमाडौंमा विरोध प्रदर्शनको लागि प्रख्यात ठाउँ हो माइतिघर मण्डला । त्यहाँ हरेक दिन जस्तो कुनै न कुनै समूहले केही न केही विषयमा आन्दोलन गरिरहेका हुन्छन् ।

अहिले पेट्रोलियम पदार्थको मूल्य वृद्धि विरुद्ध चर्कीएका विभिन्न समूहका आन्दोलनहरू माइतिघरमा भइरहेकै छन् ।

तर अहिले भने त्याहाँ एउटा भिन्न दृश्य पनि देखिएको छ । एक आम युवा आकाश बास्तोला विगत ३ दिनदेखि दिनभरी उभीएर मौन विरोध गरीरहेका छन् ।

यसरी एक्लै जनताका कुरा उठाउने हर्क सामपाङ राइ केहिदिन अघि मात्रै धरान उपमहानगरपालिकाको मेयर निर्वाचित भएका छन् । उनको विरोध गर्ने शैलीलाई काठमाडौमा पनि पच्छ्याइएको छ । 

बास्तोला अचेल हरेक दिन बिहान ९ बजेदेखि बेलुका ४ बजेसम्म छातिमा विरोधको कारण लेखिएका प्लेकार्ड भिरेर विरोध गरिरहेका छन् । वरपर राजनीतिक दलका संगठनले पनि विरोध गरिरहेका हुन्छन् । तर बास्तोला भने एक्लै मौन बसेर विरोध गरिरहेका हुन्छन् ।

कुनै राजनीतिक समूहभन्दा स्वतन्त्र व्यक्तिहरूको समूह भए मिलेर विरोध गर्ने बास्तोलाको भनाइ छ ।

फोटो : सुनिल शर्मा / आर्थिक अभियान

प्रतिक्रिया [0]