ललितपुरको टौखेलमा एभरेष्ट बैंकको शाखा सञ्चालन

अभियान संवाददाता

काठमाडौं । एभरेष्ट बैंकले ललितपुरको टौखेलमा नयाँ शाखा सञ्चालनमा ल्याएको छ । आइतवारदेखि सञ्चालनमा ल्याइएको उक्त शाखा ११८औं रहेको बैंकले जानकारी दिएको छ । गोदावरी नगरपालिकाका मेयर गजेन्द्र महर्जन र बैंकका प्रमुख कार्यकारी अधिकृत सुदेश खालिङले उक्त शाखाको संयुक्त रूपमा उद्घाटन गरेका थिए ।

उद्घाटन कार्यक्रममा ललितपुर उद्योग वाणिज्य संघका अध्यक्ष पुष्परत्न शाक्य, गोदावरी नगरपालिका–३ का वडाध्यक्ष सानुराजा घिमिरे, गोदावरी उद्योग वाणिज्य संघका उपाध्यक्ष तथा अरनिको समाजका कार्यकारी सदस्य राजन महर्जन, बैंकका नायब महाप्रबन्धकद्वय केशवराज पौडेल, आशुतोष शर्मा लगायतको सहभागिता थियो । त्यस्तै बैंकका बागमती प्रादेशिक प्रबन्धक सन्तोषकुमार भट्टराई र बजार विभाग प्रमुख पुष्पराज उप्रेतीको समेत उपस्थिति थियो ।

प्रतिक्रिया [0]