सनराइज बैंकद्वारा पोर्टेबल शौचालय र डिजिटल स्क्रोलिङ बोर्ड सहयोग

अभियान संवाददाता

काठमाडौं  । सनराइज बैंकले ताप्लेजुङको पाथीभरा क्षेत्रमा प्रयोग हुनेगरी तीन थान पोर्टेबल शौचालय र एक थान डिजिटल स्क्रोलिङ बोर्ड प्रदान गरेको छ । भदौ १८ गते भएको एक समारोहमा बैंकका नायब महाप्रबन्धक रविनकुमार नेपालले पाथीभरा क्षेत्र विकास समितिका अध्यक्ष रक्की थेवेलाई उक्त सामग्री हस्तान्तरण गरेका हुन् ।

जिल्ला समन्वय समिति प्रमुख छिरिङ लामाको उपस्थितिमा पोर्टेबल शौचालय र एकथान डिजिटल स्क्रोलिङ बोर्ड पाथीभरा क्षेत्र विकास समितिलाई प्रदान गरिएको बैंकले बताएको छ ।

यसैगरी बैंकले मंगलवार मेचीनगर–१३ झापामा रहेको पाथीभरा मन्दिरमा समेत डिजिटल स्क्रोलिङ बोर्ड उपलब्ध गराएको छ । कार्यक्रममा बैंकका नायब महाप्रबन्धक रविनकुमार नेपाल र पाउ पाथीभरा उत्तरगंगा पर्यटन प्रवर्द्धन समितिका अध्यक्ष तिलकप्रसाद गिरीले बंैकका पदाधिकारीको उपस्थितिमा डिजिटल स्क्रोलिङ बोर्डको उद्घाटन संयुक्त रूपमा गरेका थिए ।

प्रतिक्रिया [0]