दराजको ११.११ अभियानका लागि नेपाल एसबिआई बैंकसँग सम्झौता

काठमाडौं । आगामी ११ नोभेम्बरमा दराज अनलाइन शपिङ प्लेटफर्मले मनाउने ११.११ अभियानका लागि नेपाल एसबिआई बैंकसँग सम्झौता गरिएको छ । बैंक र दराजबीच भएको सम्झौता अनुसार ११ नोभेम्बरमा बैंकका ग्राहकले दराज अनलाइनमार्फत कारोबार गर्दा छूट पाउनेछन् ।

ग्राहकलाई छूट दिनेसम्बन्धी सम्झौतापत्रमा बैंकका नायब प्रमुख कार्यकारी अधिकृत तथा प्रमुख वित्तीय अधिकृत मोहम्मद रिजवान आलम र दराजको विद्युतीय भुक्तानी तथा साझेदार विभागका प्रमुख अरुण फुयाँलले हस्ताक्षर गरेका छन् । ग्राहकले नेपाल एसबिआई बैंकको डेबिट कार्डमार्फत अग्रिम भुक्तानी गरी सामान खरीद गर्दा १५ प्रतिशत वा २५ सय रुपैयाँ छूट पाउनेछन् । कार्डमार्फत खरीद गर्न कार्डमा ई–कमर्श सक्रिय गराउनुपर्ने बताइएको छ ।

प्रतिक्रिया [0]