महालक्ष्मी विकास बैंकद्वारा विभिन्न कलेजसँग सम्झौता

अभियान संवाददाता

काठमाडौं । महालक्ष्मी विकास बैंकले विभिन्न कलेजहरूसँग सम्झौता गरेको छ । बैंकले शैक्षिक सहकार्यका लागि हिमालयन ह्वाइट हाउस इन्टरनेशनल कलेज र शुभश्री कलेज अफ म्यानेजमेन्टसँग सम्झौता गरेको हो । हिमालयन ह्वाइट हाउस इन्टरनेशनल कलेजमा आइतवार आयोजित कार्यक्रममा कलेजका प्राचार्य तोयनाथ पौडेल र बैंकका मानव संसाधन विभाग प्रमुख विशालराज कार्कीले सोसम्बन्धी सम्झौतापत्रमा हस्ताक्षर गरेका हुन् ।

त्यस्तै शुभश्री कलेज अफ म्यानेजमेन्टमा आयोजित कार्यक्रममा कलेजका प्राचार्य मनिता ओली र बैंकका मानव संसाधन विभागका प्रमुख कार्कीले हस्ताक्षर गरेका हुन् । सम्झौताअनुसार बैंकले कलेजका विद्यार्थीलाई इन्टर्नशिपको अवसर दिने, रोजगारीका अवसर उपलब्ध गराउने, बैंकिङ सचेतना कार्यक्रममा सहभागी गराउने र गेष्ट लेक्चर भिजिट लगायत कार्यक्रम सञ्चालन गर्ने बताइएको छ । सो सहकार्यबाट कलेजका विद्यार्थी लाभान्वित हुने अपेक्षा बैंकको छ ।

प्रतिक्रिया [0]