मुक्तिनाथ विकास बैंकद्वारा महिला उद्यमीहरू सम्मानित

अभियान संवाददाता

काठमाडौं । मुक्तिनाथ विकास बैंकले महिला उद्यमीहरूलाई सम्मान गरेको छ । बैंकले चालू आर्थिक वर्ष २०७९/८० मा आफ्नो कार्यक्षेत्रभित्रका ५० ओटा स्थानमा बैंकको लघु बैंकिङ कार्यक्रममा आबद्ध सदस्यका लागि केन्द्रगोष्ठी तथा वित्तीय साक्षरता कार्यक्रम आयोजना गर्दै महिला उद्यमीलाई सम्मान गरेको हो । व्यवसाय विस्तार तथा व्यवस्थापनका लागि वित्तीय ज्ञान र वित्तीय प्रणालीबारे जानकारी दिने उद्देश्यले आयोजित कार्यक्रममा उत्कृष्ट महिला उद्यमी सम्मानित भएका हुन् ।

कार्यक्रममा स्थानीय निकायका पदाधिकारी, विभिन्न पेशामा आबद्ध महिला उद्यमीसहित ३ हजार ५०० जनाको उपस्थिति  रहेको बैंकले बताएको छ । कार्यक्रममा लघु बैंकिङ अन्तर्गत विभिन्न कृषि, पशुपालन लगायतका स–साना उद्यम सञ्चालन गरिरहेका उत्कृष्ट २६४ जना महिलालाई सम्मान गरिएको बैंकले जानकारी दिएको छ ।

प्रतिक्रिया [0]