रौतहटको गरुडामा नबिल बैंकको शाखा

अभियान संवाददाता

रौतहट । रौतहटको गरुडामा नबिल बैंकको शाखा सञ्चालनमा आएको छ । बैंकले गरुडा नगरपालिका वडा नं ४ मा शाखा सञ्चालनमा ल्याएको हो । शाखाको उद्घाटनका लागि आयोजित कार्यक्रममा स्थानीय उद्योगी, व्यवसायी, शिक्षक, समाजसेवी तथा विभिन्न पेशाकर्मीहरूको उपस्थिति थियो । शाखाको उद्घाटन बैंकका प्रबन्धक कमलेश श्रेष्ठले गरे ।

सेवाग्राहीलाई सर्वसुलभ सेवा दिइने उद्देश्यले शाखा सञ्चालनमा ल्याइएको उनले बताए । निक्षेपकर्ता तथा ग्राहकलाई प्रदान गरिने सेवा थप गुणस्तरीय र ग्राहकमुखी बनाउने प्रतिबद्धता उनले व्यक्त गरे ।

यससँगै रौतहटमा नबिल बैंकको शाखा संख्या तीन पुगेको छ । यसअघि चन्द्रनिगाहपुर र देवाहीगोनाही बजारमा नबिल बैंकका शाखा सञ्चालनमा छन् ।

प्रतिक्रिया [0]