महालक्ष्मी विकास बैंकका विभिन्न शाखाद्वारा सहयोग

अभियान संवाददाता

काठमाडौं । महालक्ष्मी विकास बैंक लिमिटेडका विभिन्न शाखाले संस्थागत सामाजिक उत्तरदायित्व (सीएसआर)अन्तर्गत विद्यालय र टोल सुधार समितिलाई सहयोग गरेका छन् । बैंकको वसुन्धारा शाखाले तारकेश्वर नगरपालिका–९ मा अवस्थित मनमैजु महिला विद्यालयलाई टेबुल तथा कुर्सी सहयोग गरेको छ । कक्षा १ देखि ६ सम्मका अध्यापन हुँदै आएको विद्यालयले कक्षा थप गर्न लागेको र विद्यार्थीको संख्या पनि बढ्दै गएकाले विद्यालयको भौतिक व्यवस्थापनमा सहयोग पुर्‍याउने उद्देश्यले फर्निचर सहयोग गरेको बैंकले जानकारी दिएको छ ।

त्यस्तै बैंकको विजयपुर शाखाले पोखरा उपमहानगरपालिका–२६ मा अवस्थित कडेनी प्रगति टोल विकास संस्थालाई डस्टबिन तथा कुर्सी उपलब्ध गराएको छ । बैंकले टोल वरपरको फोहोर संकलन तथा व्यवस्थापनका लागि डस्टबिन र संस्थाको कार्यालयका लागि कुर्सी प्रदान गरेको हो । आगामी दिनमा पनि सामाजिक उत्तरदायित्व कार्यक्रमअन्तर्गत सामाजिक, आर्थिक रूपान्तरणका विभिन्न कार्यक्रम निरन्तर रूपमा सञ्चालन गर्ने बैंकको भनाइ छ ।

प्रतिक्रिया [0]