नेपाल इन्भेष्टमेण्ट मेगा बैंक ३८औं वर्षमा प्रवेश

अभियान संवाददाता

काठमाडौं । नेपाल इन्भेष्टमेण्ट मेगा बैंक ३८औं वर्षमा प्रवेश गरेको छ । वार्षिकोत्सवको अवसरमा बैंकका अध्यक्ष पृथ्वीबहादुर पाँडेले नेपाल इन्भेष्टमेण्ट मेगा बैंक देशकै अग्रणी बैंक बन्न सफल भएको बताए । बैंकले व्यावसायिक उत्कृष्टता र ग्राहक सन्तुष्टिलाई प्राथमिकतामा राखी सेवा प्रवाह गरिरहेको अध्यक्ष पाँडेको दाबी छ । बैंकका प्रमुख कार्यकारी अधिकृत ज्योतिप्रकाश पाण्डेले वित्तीय बजारमा नेपाल इन्भेष्टमेण्ट मेगा बैंक प्रतिष्ठित, अब्बल तथा जनप्रिय बैंकको रूपमा स्थापित भएको बताए ।

यसैबीच, ३७औं वार्षिकोत्सवको अवसरमा बैंकले नेपाल रेडक्रस सोसाइटीसँगको सहकार्यमा रक्तदान कार्यक्रम गरेको छ । रक्तदानमा बैंकका कर्मचारीहरूको सहभागिता थियो । सोही अवसरमा साना बालबालिकामा बचत गर्ने बानीलाई प्रोत्साहन गर्ने उद्देश्यले वित्तीय ज्ञानमा आधारित बाल पुस्तक पनि सार्वजनिक गरिएको छ ।

प्रतिक्रिया [0]