एनएमबि बैंकले क्रिकेटका राष्ट्रिय खेलाडीलाई सम्मान गर्ने

अभियान संवाददाता

काठमाडौं । एनएमबि बैंकले विश्व क्रिकेट लिग–२ मा उत्कृष्ट प्रदर्शन गरेबापत नेपाली राष्ट्रिय क्रिकेट टोलीका १६ खेलाडीलाई सम्मान स्वरूप जनही रू. २१ हजार प्रदान गर्ने घोषणा गरेको छ । बैंकका प्रमुख कार्यकारी अधिकृत सुनील केसीले खेलाडी राष्ट्रका  गौरव भएको र खेलाडीको मनोबल उच्च कायम राख्न सके मात्र खेल क्षेत्रको प्रगति हुने मान्यताका साथ सम्मान गर्न लागिएको बताए । २०१९ देखि शुरू भएको विश्व क्रिकेट लिग–२ को कुल ३५ खेलमा १८ ओटा म्याचमा जित हात पारेको नेपाल आज (बिहीवार) हुने अन्तिम खेलमा यूएआइसँग प्रतिस्पर्धा गर्दै छ । आजको खेलमा जित हात पारेमा नेपाल सीधै ग्लोबल क्वालिफायरका लागि छनोट हुनेछ, जसमा नेपालले पहिलोपटक विभिन्न टेस्ट राष्ट्रहरूसँग खेल्ने मौका समेत पाउनेछ ।

प्रतिक्रिया [0]