रेमिट्यान्स सेवाका लागि नेपाल रेमिट–राष्ट्रिय वाणिज्य बैंक सम्झौता

अभियान संवाददाता

काठमाडौं । नेपाल रेमिट इन्टरनेशनल र राष्ट्रिय वाणिज्य बैंकबीच वैदेशिक रेमिट्यान्स बैंकिङ च्यानलमार्फत भुक्तानी गर्नेसम्बन्धी सम्झौता भएको छ । गत हप्ता भएको सम्झौतामा रेमिटका प्रमुख कार्यकारी अधिकृत सागर खनाल र बैंकका प्रमुख कार्यकारी अधिकृत किरणकुमार श्रेष्ठले हस्ताक्षर गरेका छन् ।

सम्झौतापछि रेमिटबाट विश्वका विभिन्न स्थानबाट बैंकिङ च्यानलमार्फत पठाएको रकम बैंकका शाखा कार्यालयबाट सरल तरीकाले प्राप्त गर्न सकिनेछ । सम्झौतासँगै विदेशबाट पठाएको रकम बैंकिङ च्यानलमार्फत भुक्तानी गर्न तथा सम्बन्धित व्यक्तिले रकम प्राप्त गर्न थप सहजीकरण हुने रेमिटका नायव महाप्रबन्धक देववहादुर थापाको भनाइ छ । रेमिटले बिगत १७ वर्षदेखि रेमिट्यान्सको क्षेत्रमा काम गर्दै आएको छ ।

प्रतिक्रिया [0]