निसानका गाडी किन्नेलाई नबिलले कर्जा दिने

अभियान संवाददाता

काठमाडौं । निसानका गाडी खरीदमा नबिल बैंकले कर्जा दिने भएको छ । नेपालका लागि निसानको आधिकारिक विक्रेता पायोनियर मोटो कर्प प्रालि र बैंकबीच सवारीसाधन कर्जासम्बन्धी सम्झौता गरिएको हो । सम्झौतापत्रमा बैंकका कर्पोरेट हेड चाँदनी श्रेष्ठ र पायोनियरका सह–महाप्रबन्धक ज्ञानेन्द्रबहादुर चन्दले हस्ताक्षर गरेका छन् ।

निसानका गाडी खरीद गर्दा छिटो, छरितो र प्रतिस्पर्धी ब्याजदरमा कर्जा उपलब्ध गराउने सम्झौतामा उल्लेख छ । सम्झौताअनुसार निसान गाडीको खरीदमा ग्राहकले बैंकका सबै शाखाबाट सुलभ कर्जा सुविधा पाउने बताइएको छ । निसानका विद्युतीय गाडी ग्राहकले २० प्रतिशतको डाउन पेमेन्टमा खरीद गर्न सक्नेछन् । ७ वर्ष अवधिको उक्त कर्जा आधारदरमा ३ दशमलव ५ देखि ५ प्रतिशतसम्म थप ब्याजदरमा पाउन सकिनेछ ।

प्रतिक्रिया [0]