राष्ट्रिय वाणिज्य बैंकको सीसीटीभी क्यामेरा सहयोग

अभियान संवाददाता

रौतहट । राष्ट्रिय वाणिज्य बैंक गरुडा शाखाले संस्थागत सामाजिक उत्तरदायित्वअन्तर्गत सीसीटीभी क्यामेरा सहयोग गरेको छ । बैंकले रौतहटको गरुडा नगरपालिका–८ जिंगडियामा रहेको नेपाल पुलिस स्कूललाई आठओटा सीसीटीभी क्यामेरा सहयोग गरेको हो ।

बैंकका शाखा प्रबन्धक अरबिन्दकुमार झाले स्कुलकी प्राचार्य विना झालाई सीसीटीभी क्यामेरा हस्तान्तरण गरेका हुन् । सुरक्षालाई दृष्टिगत गर्दै विद्यालयलाई सीसीटीभी उपलब्ध गराइएको प्रबन्धक झाले बताए ।

यसैगरी बैंकले ‘ग्लोबल मनी वीक २०२३’को अवसरमा वित्तीय साक्षरता कार्यक्रम पनि सम्पन्न गरेको छ । उक्त कार्यक्रममा बैंकिङ कारोबार, डिजिटल कारोबारको बारेमा जानकारी गराइएको बताइएको छ ।

प्रतिक्रिया [0]