डलर अर्बपतिको सूचीमा ३१८ स्थान माथि आए विनोद चौधरी, १० वर्षमा जोडे थप १ खर्ब सम्पत्ति

अभियान संवाददाता

काठमाडौं । विनोद चौधरी विश्वको धनी व्यक्तीहरुको सूचीमा १ हजार ६४७ ‌औ स्थानमा पर्न सफल भएका छन् । यो गत वर्षको तुलनामा ३१८ स्थान माथि हो । गत वर्ष उनी उक्त सूचीको १ हजार ९६५ औं स्थानमा थिए । फोर्ब्सको ‘द रियल-टाइम बिलिनियर्स'हरूको सूचीमा परेका उनी नेपलका एकमात्र अर्बपति हुन् ।

फोर्ब्सका अनुसार अहीले उनको कुल सम्पती १ अर्ब ८० करोड डलर रहेको छ । नेपाल लगायत विश्वका धेरै मुलुकमा व्यावसाय सञ्चालन गरिरहेका चौधरीको कुल सम्पती कुन देशमा कति छ वा कति बढेको हो भन्ने फोर्ब्सले सार्वजनिक गरेको छैन ।  चौधरी CG Corp Global  को अध्यक्ष हुन् । जुन खाना र इलेक्ट्रोनिक्स देखि बियर र होटल व्यवसायहरूमा संलग्न छ ।

नेपालमा उनको नबिल बैंकमा अधिकतम् शेयर छ । 'वाइ वाइ' चाउचाउको उत्पादन साथै सीजी फुड्सको भारत, सर्बिया, साउदी अरब र बंगलादेशमा कारखानाहरू छन् । फोर्ब्सका अनुसार, सीजीको सम्पतीमा होटल तर्फ १४३ ‌ओटाको स्वामित्व र व्यवस्थित सम्पत्ति छन्, जसमा भारतको ताज होटल चेनसहितका ठूला होटलहरू पर्छन् ।

गतवर्ष उनको कुल सम्पती १ अर्ब ५० करोड डलर थियो । यसको तुलनामा यो वर्ष उनको सम्पत्ति ३० करोड डलर बढेको फोर्ब्समा उल्लेख छ ।  सन् २०१३ को फेब्रुअरीदेखि चौधरी अर्बपतिको सूचीमा प्रवेश गर्ने पहिलो र एकमात्र नेपाली अर्बपती हुन । २०१३ मा उनको सम्पत्ती १ अर्ब डलर थियो ।

२०१३ देखि अहीले सम्म १० वर्षमा उनको सम्पती ८० प्रतिशतले बढेको छ । चौधरी  पहिलो पटक फोर्ब्सको सूचीमा पर्दा १३४२ औं स्थानमा थिए । त्यसयता उनि फोर्ब्सको सूचीमा रहँदै आएका छन् । तर, अहिलेको उनको बरियता २०१३ को भन्दा भने पछि छ ।
 

कुन वर्ष कति थियो विनोद चौधरीको सम्पत्ती र फोर्ब्समा स्थान?

फोर्ब्सको पछिल्लो अर्बपतिहरूको सूची अनुसार, बर्ना आर्नौ सबैभन्दा धनी व्यक्ति बनेका छन् । उनको कुल सम्पत्ति २११ बिलियन डलर पुगेको छ । गत वर्ष उनी उक्त सूचीको तेस्रो स्थानमा थिए ।

प्रतिक्रिया [0]