राष्ट्रिय वाणिज्य बैंक र नेपाल टेलिभिजनबीच सम्झौता

अभियान संवाददाता

काठमाडौं  । राष्ट्रिय वाणिज्य बैंक र नेपाल टेलिभिजनबीच व्यवसाय प्रवर्द्धनका लागि टीभीसी प्रसारण गर्ने सम्बन्धमा आइतवार सम्झौता भएको छ ।

सम्झौतापत्रमा बैंकका प्रमुख कार्यकारी अधिकृत किरणकुमार श्रेष्ठ र नेपाल टेलिभिजनका कार्यकारी अध्यक्ष समीरजंग शाहले हस्ताक्षर गरेका छन् । सम्झौतामा बैंकले उपलब्ध गराएको टीभीसी नेपाल टेलिभिजनबाट दैनिक १६ पटक समाचार अगाडि तथा बीचमा प्रसारण गर्ने उल्लेख छ । 

बैंंकका प्रमुख कार्यकारी अधिकृत श्रेष्ठले सम्झौतापश्चात् दुवै संस्थाको व्यवसाय वृद्धि तथा सरकारको नीति तथा कार्यक्रमको कार्यान्वयनमा थप सघाउ पुग्ने विश्वास व्यक्त गरे । वित्तीय साक्षरता लगायत कार्यक्रमलाई टेलिभिजनमार्फत नागरिकमा पुर्‍याउन सहयोग पुग्ने उनको अपेक्षा छ ।

नेपाल टेलिभिजनका कार्यकारी अध्यक्ष शाहले दुवै सरकारी संस्थाको धेरै अवस्था मिल्ने भन्दै राष्ट्र र जनताप्रतिको दायित्व पूरा गर्न सहयोग पुग्ने बताए । उक्त समारोहमा राष्ट्रिय वाणिज्य बैंकका उपकार्यकारी अधिकृत विमल डंगोल, विभागीय प्रमुख अच्युत गौतम, कम्पनी सचिव हेमराज खरेल, नेपाल टेलिभिजनका व्यापार महाशाखा प्रमुख राजकुमार थापा लगायत दुवै संस्थाका कर्मचारीको उपस्थिति थियो ।

प्रतिक्रिया [0]