पूरा भयो आकाशमा हिड्ने रहर (तस्वीरहरु)

सुनिल शर्मा

के तपाईं आकाशमा उभिन चाहनु हुन्छ ? साहसिक गन्तव्यको अर्को नमुना हो स्काइ–वाक टावर । राजधानीको कमलादीमा वन्डर्स नेपालको सिसामाथि हिँड्न मिल्ने स्काइ–वाक टावर शुक्रवारदेखि औपचारिक रूपमा सञ्चालनमा आएको छ।

सिसामाथि हिँड्ने साहसिक मज्जा लिनका लागि काठमाडौंमा यो एकमात्र गन्तव्य हो। परियोजनाका लागि करीब २ अर्ब रुपैयाँ लगानी लागेको कम्पनीले बताएको छ।

१३ रोपनीमा फैलिएको टावर ७८.५ मिटर अग्लो छ । टावरमा जमिनको सतहबाट ६५ मिटर उचाइमा सिसामाथि हिँड्न पाइन्छ ।२५ तल्ला रहेको टावरमा २२ तलासम्म लिफ्टबाट र बाँकी तीन तलामा सिँढीमार्फत जान सकिन्छ। टावरको २५ औं तला साहसिक तला हो । त्यहाँ पुगेपछि सिसा ओच्छाइएको भुइँमा हिँड्न पाइन्छ ।

स्काइ–वाक काठमाडौं उपत्यकाकै अग्लो संरचना हो । यहाँबाट उपत्यकाको ३६० डिग्री भ्यु देखिन्छ। स्काइ टावरमा जानका लागि प्रतिव्यक्ति एक हजार रूपैयाँ शुल्क तिर्नुपर्छ । टावरमा प्रवेश गर्नका लागि ८० वर्ष माथिकालाई र ३ फिट उचाइसम्मको बच्चालाई शुल्क लाग्दैन । ७० देखि ८० वर्षसम्मकालाई ५० प्रतिशत छुट रहेको छ । कम्पनीका अनुसार पहिलो दिन २००० भन्दा बढि मानिसहरुले साहसिक आनन्द लिएका छन । 

प्रतिक्रिया [0]