समृद्धि फाईनान्सको ५ शाखाले गरे बृक्षारोपण

अभियान संवाददाता

समृद्धि फाईनान्सले गत हप्ताबाट शुरू गरेको साउन महीनाभर बृक्षारोपण गर्ने कार्यक्रम अन्तरगत शुक्रवार र शनिवार गरी दुईदिन बृक्षारोपण गरेको छ । फाईनान्सका  इटहरी, गैर, औराही र बुटवल, र पुतलिसडक शाखाले बृक्षारोपण गरेका हुन् ।

फाईनान्सले मासिक रुपमा सम्पन्न गर्ने संस्थागत सामाजिक उत्तरदायित्व अन्तरगतको कार्यक्रमहरुको सुची मध्ये श्रावणमहिनाको लागि तय भएको कार्यक्रमहरुको रुपमा बृक्षारोपणको सुरुवात गरेको र आर्थिक बर्ष २०८०/८१ को प्रत्येक महिनामा संस्थागत सामाजिक उत्तरदायित्व अन्तरगत सम्पुर्ण १३ वटै शाखाहरु बाट बिभिन्न कार्यक्रमहरु गर्ने तय भएको जनाएको छ ।

नेपाल राष्ट्र बैंकबाट 'ग' वर्गको इजाजतपत्र प्राप्त राष्ट्रिय स्तरको समृद्धि फाइनान्स कम्पनी लिमिटेडले हाल १३ वटा शाखाहरु मार्फत कारोबार गर्दै आएको छ भने आर.टि.जि.एस, आइपीएस, कनेक्ट आइपीएस, रेमिटान्स, क्लियरिङ्ग लगायतका बैंकिङ्ग र मोवाइल बैंकिङ्ग, डेबीट कार्ड, क्यू.आर कोड  जस्ता डिजिटल सुविधाहरु  प्रदान गरिरहेको छ ।
 

प्रतिक्रिया [0]