रिडी सोप एण्ड केमिकल इण्डष्ट्रिजको तेस्रो साधारणसभा सम्पन्न 

अभियान संवाददाता

चितवन। रिडी ग्रुप प्रालिअन्तर्गत रहेको रिडी सोप एण्ड केमिकल इण्डष्ट्रिज प्रालिको तेस्रो वार्षिक साधारणसभा सम्पन्न गरेको छ । भरतपुर–१५ स्थित फूलबारीमा रहेको कम्पनीले गत साउनदेखि उत्पादन थालेको थियो । हाललाई कपडा धुने साबुनमात्रै उत्पादन गरेको कम्पनीले भविष्यमा झोल, भाँडा धुने, नुहाउने, शौचालय सफा गर्ने, बहुउद्देश्यीय लगायतका साबुनसँगै डिटर्जेन्ट पाउडरको उत्पादन गर्ने लक्ष्य लिएको बताइएको छ ।

कम्पनीले साबुन उत्पादनका लागि हालसम्म करीब २ करोड रूपैयाँ लगानी गरेको कम्पनीका अध्यक्ष मिलन थापामगरले जानकारी दिए । उनका अनुसार कम्पनीबाट सात जनाले प्रत्यक्ष रोजगार पाएका छन् भने दैनिक दुई टन साबुन उत्पादन हुँदै आएको छ । उद्योग सञ्चालनका लागि कच्चा पदार्थमा भएको मूल्य वृद्धि, सरकारी निकायको झन्झटिलो प्रक्रिया, तीव्र प्रतिस्पर्धालगायतका विषयलाई कम्पनीले चुनौतीको रूपमा लिएको उनको भनाइ छ । होटल, पर्यटनलगायतका क्षेत्रमा लगानी गर्दै आएको रिडी ग्रुपले चितवनमा साबुन उद्योगसहित ६ ओटा क्षेत्रमा लगानी गरेको बताइएको छ ।

प्रतिक्रिया [0]