पुरूषको तुलनामा महिलाले बढी काम गर्छन् !

Krishna Giri

पुरूषको तुलनामा महिलाले बढी काम गर्ने गरेको विश्व आर्थिक मञ्च (डब्ल्यूईएफ)को एक सर्वेक्षणले देखाएको छ । पुरूषको तुलनामा महिलाले वर्षमा ३९ दिन बढी काम गर्ने गरेको पाइएको छ । महिलाले पुरूषको तुलनामा दैनिक ५० मिनेट बढी समय काम गर्ने गरेको डब्ल्यूईएप्mले सार्वजनिक गरेको ग्लोबल जेण्डर ग्यापसम्बन्धी प्रतिवेदनमा पाइएको हो ।

महिलालाई तलब नपाउने कामको बोझ बढी हुने गरेको र महिला र पुरूषबीचको आर्थिक असमानता १ सय ७० वर्ष नजिक पुग्न सक्ने अनुमान गरिएको छ । पुरूष र महिलाको आर्थिक अवसरबीचको भिन्नता सन् २००८ को तुलनामा बढी रहेको डब्ल्यूईएफको प्रतिवेदनले सुझाएको छ । पुरूषले महिलाको तुलनामा तलब पाउने काम ३४ प्रतिशत बढी गर्ने गरेको भए पनि महिलाले घरायसी काम, बच्चाको हेरचाह र वृद्धहरुको स्याहारजस्ता तलब नपाउने काममा बढी समय बिताउने गरेको अध्ययनले देखाएको छ । एजेन्सी

प्रतिक्रिया [0]