अंग्रेजी नयाँ वर्षमा छूटको लहर

भवनाथ प्याकुरेल

अंग्रेजी नयाँ वर्ष २०१९ को अवसरमा विभिन्न कम्पनी र सुपर मार्केटहरूले आफ्नो सामानको विक्रीमा विभिन्न छूट तथा अफर ल्याएका छन् । छूट दिएर सामान बेच्दा उपभोक्ता आकर्षित हुने र पुराना सामानको मौज्दात पनि सकिने भाटभटेनीमा सेल्सको काम गर्ने एक कर्मचारीले बताइन् । खरीदमा छूट पाएकाले आफूले पहिले भन्दा धेरै सामान लिएको भाटभटेनीमा किनमेलका लागि आएका नक्सालका लाक्पा शेर्पाले बताए । बढी सामान पा पहिलेको भन्दा केही बढी लिएको बताए । यसरी छूट दिनेमा सुपरमार्केट र होटलहरू अगाडि देखिएका छन् । तर, निजीक्षेत्रका कम्पनीहरूले नेपाली नयाँ वर्षमा भन्दा अंग्रेजी नयाँ वर्षमा कम छूट दिने गरेको देखिएको छ । भाटभटेनी सुपरमार्केट भाटभटेनी सुपरमार्केटले स्नीकर चकलेट प्रतिप्याकेट ३ सय ७५ रुपैयाँमा विक्री गरिरहेको छ । कम्पनीले अन्य बेला यसलाई ४ सय विक्री गर्दै आएको छ । यस्तै पोन्ड नामक क्रिम १ सय ३२ मा विक्री हुँदै आएकोमा नयाँ वर्षको छूटसहित ११५ मा विक्री गरेको छ । १ सय १७ रुपैयाँ पर्ने एभरेस्ट ब्राण्डको मिट मसला १ सय ८ र प्रतिप्याकेट १ हजार १ सय ९४ पर्ने मोनल ब्राण्डको चामल १ हजार १ सय ३४ रुपैयाँमा बेचिरहेको छ । भारतीय ब्राण्डको चियामा १० प्रतिशत तथा कार्पेटमा ५० प्रतिशत छूट दिइएको छ । यस्तै २ सय २१ पर्ने नेसक्याफे कफी २ सय ८ मा विक्री भइरहेको छ । बिगमार्ट सुपरमार्केट बिगमार्ट सुपरमार्केटले सामान विक्रीमा छूट दिएको छ । कम्पनीले पापड, भुजिया, फेण्टा, कोक, हल्दीराम ब्राण्डका सामान, उपकार ब्राण्डको चिया, खाने तेल लगायत वस्तुमा १ देखि ५ प्रतिशतसम्म छूट दिएको बालुवाटार स्थित बिगमार्टले सुपरमार्केटले बताएको छ । होटल काठमाडौं, पोखरा चितवन लगायतका होटल आन्तरिक पर्यटकले भरिभराउ हुने गरेका छन् । होटल एशोसिएशन अफ नेपाल (हान)ले नयाँ वर्षको अवसरमा १० लाखदेखि १५ लाख आन्तरिक पर्यटकले होटलको सेवा लिने बताएको छ । अंग्रेजी नयाँ वर्ष लक्षित गरी पर्यटकलाई होटल प्याकेजमा ४० प्रतिशतसम्म छूट दिइएको हानले जानकारी दिएको छ । पर्यटकलाई आकर्षित गर्न बाग्लुङका होटलले सोमवार (१ दिन) १ सय रुपैयाँमै होटलको कोठा उपलब्ध गराएका छन् । अटोमोबाइल नेपालका लागि स्याङयोङ मोटर्सको आधिकारिक विक्रेता एवम् आईएमएस ग्रूप अन्तर्गत आईएमएस मोटर्सले पनि नयाँ वर्ष लक्षित ‘मेगा एक्सचेन्ज’ योजना ल्याएको छ । यो योजना अनुरूप ग्राहकले पुरानो गाडी सट्टापट्टा तथा नयाँ गाडी खरीद गर्दा ४ लाखसम्म छूट पाउने कम्पनीले जानकारी दिएको छ । यातायात बससेवा डटकमले निःशुल्क बस यात्रा गर्न सकिने योजना ल्याएको छ । जनवरी २, २०१९ सम्म लागू हुने योजनामा हरेक दिन गोलाप्रथाबाट पाँचजनाले शतप्रतिशत र अन्य पाँचजनाले ५० प्रतिशत क्यासब्याक पाउने कम्पनीका कर्मचारी तुलसी बोगटीले बताए ।

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस