छिमेक लघुवित्त वित्तीय संस्था : कम्पनी विश्लेषण (मंगलवार, २४ पुस २०७५)

आर्थिक अभियान

कम्पनीले प्रस्ताव गरेको ४० प्रतिशत लाभांश रद्द भएको छ । राष्ट्र बैंकबाट स्वीकृति नपाएपछि ४० प्रतिशत लाभांश रद्द भएको हो । कम्पनीले १८ प्रतिशत बोनस शेयर र २२ प्रतिशत नगद लाभांश वितरण गर्ने प्रस्ताव गरेको थियो । लाभांशको लोभमा परेर शेयर किनेका शेयरधनी मारमा परेका छन् । आइतवार कम्पनीले लाभांश रद्द भएको सूचना जारी भएपछि कम्पनीको शेयरमूल्य ५० अंक घटेको थियो । यसबाट लगानीकर्ताले राष्ट्र बैंकबाट स्वीकृति भएपछि मात्र शेयर किन्नुपर्ने पाठ सिकेको बताएका छन् । सोमवार कम्पनीको शेयरमूल्य रू. ८ सय ८ मा खुला भएको छ । कारोबार अघिल्लो दिनको तुलनामा १७ अंक बढेर रू. ८ सय २५ मा बन्द भएको छ । कम्पनीको १ वर्षको उच्च मूल्य रू. १ हजार ९९ र न्यून मूल्य ७ सय ९० रहेको छ । प्राविधिक विश्लेषण खरीद चाप : कम्पनीको सोमवार भएको शेयर कारोबारमा अन्तिम समयसम्म विक्री चापको तुलनामा खरीद चाप बढी छ । सो अवधिसम्म १४ हजार ३ सय २९ कित्ता शेयर खरीद र ६ हजार ५ सय ८६ सय कित्ता शेयर विक्री गर्ने माग थियो । निष्कर्ष कम्पनीको ५८ दिनको कारोबार अवधिको अन्तिम दिनमा कालो मारुबोजु आकृति बनेको छ । यस्तो आकृतिले कम्पनीको शेयरमूल्य अगामी दिनमा घट्ने संकेत गर्छ । आरएसआई न्युट्रल जोन ३५ दशमलव ६३ विन्दुमा छ । यसले शेयर खरीदविक्री चाप सन्तुलनमा रहेको देखाउँछ । कम्पनीको स्ट्याण्डर्ड डेभिएशन १८ दशमलव ४३ विन्दुमा छ । उतारचढाव न्यून छ । यस्तो अवस्थामा कम जोखिम हुन्छ भने प्रतिफल पनि कम हुने गर्छ । त्यस्तै, कम्पनीको मुभिङ एभरेजमा २६ दिने औसत मूल्यरेखा र १४ दिने औसत मूल्यरेखा एकअर्कासँग टाढिएका छन् । हालको मूल्य यी दुई रेखाभन्दा तल छ । पछिल्लो शेयरमूल्य रू. ८ सय २५ देखि बजारको अवस्था परिवर्तन भई मूल्य महँगिएमा रू. ८ सय ५८ मा प्रतिरोध पाउने र मूल्य सस्तिएमा रू. ८ सय १५ मा टेवा पाउने देखिन्छ ।

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस