नेपाल दूरसञ्चार कम्पनी : कम्पनी विश्लेषण (आइतवार, २९ पुस २०७५)

आर्थिक अभियान

अघिल्लो वर्ष प्रतिकित्ता रू. ५५ का दरले नगद लाभांश बाँडेको नेपाल दूरसञ्चार कम्पनीले २०७४÷७५ मा मुनाफाबाट शेयरधनीलाई प्रतिशेयर रू. ५५ का दरले नगद लाभांश वितरण गर्ने प्रस्ताव गरेको छ । यो प्रस्ताव नेपाल सरकारबाट स्वीकृत भएर कम्पनीको आगामी साधारणसभाबाट पारित भएपछि शेयरधनीले पाउनेछन् । बिहीवार कम्पनीको शेयरमूल्य २ अंक बढेर रू. ७ सय ३२ पुगेको छ । १ वर्षको अवधिमा कम्पनीको उच्च मूल्य रू. ८ सय र न्यून मूल्य रू. ७ सय रहेको थियो ।

प्राविधिक विश्लेषण खरीद चाप : कम्पनीको बिहीवार भएको शेयर कारोबारमा अन्तिम समयसम्म विक्री चापको तुलनामा खरीद चाप बढी रहेको छ । सो अवधिसम्म १७ हजार ४ सय ६५ कित्ता शेयर खरीद र ७ हजार ९ सय कित्ता शेयर विक्री गर्ने माग थियो ।

निष्कर्ष कम्पनीको ६० दिनको कारोबार अवधिको अन्तिम दिन ह्याम्मर आकृति बनेको छ । यस्तो आकृतिले कम्पनीको शेयरमूल्य आगामी दिन बुलिशमा रिभर्स हुने संकेत गर्दछ । विश्वसनीयता भने सामान्य छ । आरएसआई न्युट्रल जोन ३४ दशमलव २३ विन्दुमा छ । यसले शेयर खरीदविक्री चाप सन्तुलनमा रहेको देखाउँछ । कम्पनीको स्ट्यान्डर्ड डेभिएशन १ दशमलव ४१ विन्दुमा छ । उतारचढाव न्यून रहेको छ । यस्तो अवस्थामा कम जोखीम हुन्छ भने प्रतिफल पनि कम हुने गर्दछ । त्यस्तै कम्पनीको मुभिङ एभरेजमा २६ दिने औसत मूल्यरेखा र १४ दिने औसत मूल्यरेखा एकअर्कासँग टाढिएका छन् । हालको मूल्य यी दुई रेखाभन्दा तल छ । पछिल्लो शेयरमूल्य रू. ७ सय ३२ देखि बजारको अवस्था परिवर्तन भई महँगिएमा रू. ७ सय ९७ मा प्रतिरोध पाउने र सस्तिएमा रू. ७ सय ३० मा टेवा पाउने देखिन्छ ।

प्रतिक्रिया [0]