नेप्से प्राविधिक विश्लेषण (मंगलवार, २२ माघ २०७५)

मल्लिका घिमिरे

माघ २१, काठमाडौं (अस) । सोमावार नेप्से ८ दशमलव ८५ अंक घटेर बन्द भएको छ । कारोबार भएको आधा घण्टासम्म बढेर १ हजार १ सय ५५ दशमलव ११ विन्दुसम्म पुगेको परिसूचक अन्त्यसम्म घटेर १ हजार १ सय ४४ दशमलव २७ विन्दुमा पुगेर बन्द भएको छ । ११ समूहको परिसूचकमा होटल समूहको शून्य दशमलव शून्य २ प्रतिशतले बढेपनि बाँकी समूहको परिसूचक घटेपछि नेप्से परिसूचक शून्य दशमलव ७७ प्रतिशत घटेको हो । व्यापार, जलविद्युत, ‘अन्य’ र जीवन बीमा समूहको परिसूचक १ प्रतिशतभन्दा बढीले घटेको छ । किन घटिरहेको छ पूँजीबजार ? पछिल्लो समय बजार घट्नुमा मुख्य कारण भनेको लगानीकर्ताहरुलाई प्रोत्साहन गर्नेभन्दा निरुत्साहित गर्ने खालका नीतिहरु सार्वजनिक हुनु रहेको शेयर लगानीकर्ता संघ नेपालका अध्यक्ष उत्तम अर्यालको भनाइ छ । राज्यले पूँजीबजारमा लगानी गर्ने वातावरण बनाउन ध्यान दिनुपर्नेमा प्यान, भ्याट लगायतका विषयलाई अगाडी ल्याएर लगानीकर्ताहरुलाई आतंकित बनाएको उनको आरोप छ । जसले गर्दा पछि के फाइदा होला, कुन अवस्था आउला भन्ने स्पष्ट नभएकाले शेयर कारोबारमा रहेका पुराना लगानीकर्ताहरु पनि बजारबाट बाहिरीन चाहेका छन् । योसँगै बजारमा लगानी योग्य रकमको अभाव, हल्लाको पछि लाग्ने परिपाटी लगायतले पनि बजारमाथि जान नसकेको अर्यालको भनाइ छ । सोमवारको कारोबार सोमवार रू. ३६ करोड ४३ लाख बराबरको शेयर कारोबार भएको छ । अघिल्लो दिन आइतवारको तुलनामा कारोबार रकम रू. ५ करोड १४ लाखले घटेको छ । आइतवार रू. ४१ करोड ५७ लाख बराबरको शेयर कारोबार भएको थियो । यस दिन ‘क’ वर्गका कम्पनीहरुको कारोबार मापन सेन्सेटिभ इण्डेक्स शून्य दशमलव ८१ प्रतिशत घटेर २ सय ४३ दशमलव २८ विन्दुमा पुगेको छ । १० समूहको परिसूचक, कुनको बढ्यो कुनको घट्यो ? कुन कम्पनीको शेयर मूल्य बढ्दा कुनको घट्यो ? कस्को कारोबार उच्च ? कारोबार भएका १ सय ६२ कम्पनीमा २५ कम्पनीको शेयर मूल्य बढेको छ भने १ सय १४ कम्पनीको घटेको छ । साथै, २३ कम्पनीको शेयर मूल्य स्थिर रहेको छ । सेन्ट्रल फाइनान्स कम्पनीको शेयर मूल्य ३ दशमलव ६७ प्रतिशत बढेर प्रतिकित्ता रू. १ सय १३ मा कारोबार भएको छ । दोस्रोमा बरुण हाइड्रोपावर कम्पनीको शेयर मूल्य २ दशमलव ९७ प्रतिशत बढेर प्रतिकित्ता रू. १ सय ४ मा कारोबार भएको छ । त्यसैगरी, आखुँखोला हाइड्रोपावर कम्पनीको शेयर मूल्य ४ दशमलव ७० प्रतिशत घटेर प्रतिकित्ता रू. ८१ मा कारोबार भएको छ । खानिखोला हाइड्रोपावरको शेयर मूल्य ४ दशमलव २१ प्रतिशत घटेर प्रतिकित्ता रू. ९१ मा कारोबार भएको छ । सोमवार नेपाल बैंकको सर्वाधिक शेयर कारोबार भएको छ । बैंकको प्रतिकित्ता रू. २ सय ८८ मा रू. २ करोड ७१ लाख बराबरको शेयर कारोबार भएको छ । दोस्रोमा अपर तामाकोशी हाइड्रोपावरको प्रतिकित्ता रू. २ सय ४६ मा रू. २ करोड ३५ लाख बराबरको शेयर कारोबार भएको छ । प्राविधिक विश्लेषण नेप्से मैनबत्ती चित्र अन्तिम दिनमा कालो मारोबोजु आकृती बनेको छ । यस्तो आकृतीले आगामी दिनमा परिसूचक घट्ने संकेत गर्दछ । मुभिङ एभरेज नेप्सेकोे मुभिङ एभरेज हेर्दा २६ दिने र १४ दिने औसत मूल्यरेखा एकअर्कासँग नजिकिएका छन् । हालको मूल्य यी दुवै औसत मूल्यरेखाभन्दा तल छ । सोमवार नेप्से परिसूचक १ हजार १ सय ४४ दशमलव २७ विन्दुमा रहेको छ । मंगलवारका लागि पिभोट विन्दु १ हजार १ सय ४७ दशमलव ८३ रहेको छ । मंगलवार बजार बढेमा १ हजार १ सय ४० विन्दुमा टेवा पाउने र घटेमा १ हजार १ सय ५१ मा प्रतिरोध पाउने संभावना देखिन्छ । यो विवरण सोमवार भएको उच्च विन्दु न्यून विन्दु र बन्द विन्दुबाट लिइएको हो ।

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस