गुराँस लाइफ इन्स्योरेन्स कम्पनी : कम्पनी विश्लेषण (बिहीवार, १४ चैत २०७५)

Mar 28, 2019

लगानी कम्पनी विश्लेषण

आर्थिक अभियान कम्पनी पूँजीवृद्धिका लागि चैत २८ गतेदेखि २०७६ जेठ १ गतेसम्म ५० प्रतिशत हकप्रद शेयर जारी गर्ने तयारीमा छ । बीमा समितिले जीवन बीमा कम्पनीको चुक्तापूँजी रू. २ अर्ब पुर्‍याउन निर्देशन दिएसँगै कम्पनीले कम्पनीले २९ लाख ७० हजार कित्ता हकप्रद शेयर जारी गर्न लागेको हो । हाल कम्पनीको चुक्तापूँजी रू. ५९ करोड ४० लाख छ । ५० प्रतिशत हकप्रद निष्कासन तथा बाँडफाँट गरेपछि चुक्तापूँजी रू. ८९ करोड १० लाख पुग्नेछ । २०७३/७४ को मुनाफाबाट ८ प्रतिशत बोनस शेयर र शून्य दशमलव ४२१ प्रतिशत नगद लाभांश वितरण गर्ने प्रस्ताव गरेको छ । उक्त प्रस्ताव पारित गर्न कम्पनीले चैत २१ गते साधारणसभाको आयोजना गर्दै छ । सो साधारणसभाले कम्पनीको पुनः शत प्रतिशत हकप्रद शेयर जारी गर्ने प्रस्ताव पारित गर्नेछ । बोनस शेयर प्रस्ताव गरेपछि कम्पनीको शेयरमूल्य बढेको छ । ६२ दिनको कारोबार अवधिमा कम्पनीको शेयरमूल्य अधिकतम रू. ७ सय ८२ पुगेको छ भने न्यूनतम रू. ५ सय १ रहेको छ । प्रस्तावित बोनस शेयर वितरण गरेपछि कम्पनीको चुुक्तापूँजी रू. ९३ करोड ८५ लाख पुग्नेछ । अपुग रकम बोनस शेयर र हकप्रद शेयर जारी गरेर पुर्‍याउने कम्पनीको योजना छ । ८ प्रतिशत बोनस शेयरको समायोजन भएपछि कम्पनीको शेयरमूल्य घटेको छ । प्राविधिक विश्लेषण विक्री चाप : कम्पनीको मंगलवार भएको शेयर कारोबारमा अन्तिम समयसम्म खरीद चापको तुलनामा विक्री चाप बढी छ । सो अवधिसम्म ४ हजार ८ सय २५ कित्ता शेयर विक्री गर्ने र १ हजार ९ कित्ता शेयर विक्री गर्ने माग थियो । निष्कर्ष कम्पनीको ६४ दिनको कारोबारलाई लिएर गरिएको मैनबत्ती विश्लेषणमा अन्तिम दिनमा सेतो मारुबोजु आकृति बनेको छ । यस्तो आकृतिले कम्पनीको शेयरमूल्य आगामी दिनमा बढ्ने संकेत गर्छ । आरएसआई ओभरसोल्ड जोन २५ दशमलव ६६ विन्दुमा छ । यसले शेयर विक्री चाप बढेको देखाउँछ । कम्पनीको स्ट्यान्डर्ड डेभिएशन ९१ दशमलव ७५ विन्दुमा छ । उतारचढाव उच्च छ । त्यस्तै, कम्पनीको मुभिङ एभरेजमा २६ दिने औसत मूल्यरेखा र १४ दिने औसत मूल्यरेखा एकअर्कासँग जोडिएका छन् । हालको मूल्य यी दुई औसत रेखाभन्दा तल छ । मंगलवारको शेयरमूल्य रू. ५ सय ६ देखि बजारको अवस्था परिवर्तन भई मूल्य महँगिएमा रू. ५ सय १० मा प्रतिरोध पाउने र मूल्य सस्तिएमा रू. ५ सय टेवा पाउने देखिन्छ ।