नेपाल इन्स्योरेन्स : कम्पनी विश्लेषण (सोमवार, १८ चैत २०७५)

आर्थिक अभियान

नेपाल इन्स्योरेन्स कम्पनीले पूँजीवृद्धिका लागि फागुन २१ गतेदेखि ६५ प्रतिशत हकप्रद शेयर जारी गरिरहेको छ । कम्पनीले रू. सय अंकित दरको ४० लाख १४ हजार ६ सय ५१ दशमलव ५८ कित्ता हकप्रद शेयर निष्कासन गरेको हो । आवेदकले चैत २५ गतेसम्म हकप्रद शेयर आवेदन दिन सक्छन् । विक्रीप्रबन्धकमा ग्लोबल आईएमई क्यापिटल लिमिटेड छ । हाल कम्पनीको चुक्तापूँजी रू. ६१ करोड ७६ लाख छ । ६५ प्रतिशत हकप्रद शेयर बाँडफाँट गरेपछि पूँजी रू. १ अर्ब १ करोड पुग्नेछ । ६२ दिनको कारोबार अवधिमा कम्पनीको शेयरमूल्य अधिकतम रू. ५ सय ८३ र न्यूनतम रू. ३ सय ६२ पुगेको छ । प्राविधिक विश्लेषण खरीद चाप : कम्पनीको आइतवार भएको शेयर कारोबारमा अन्तिम समयसम्म विक्री चापको तुलनामा खरीद चाप बढी छ । सो अवधिसम्म ७ हजार ८ सय ९० कित्ता शेयर खरीद गर्ने र २ हजार १ सय ५८ कित्ता शेयर विक्री गर्ने माग थियो । निष्कर्ष कम्पनीको ६३ दिनको कारोबार अवधिलाई लिएर गरिएको मैनबत्ती विश्लेषणमा अन्तिम दिनमा सेतो क्लोजिङ मारुबोजु आकृति बनेको छ । यस्तो आकृतिले कम्पनीको शेयरमूल्य आगामी दिनमा बढ्ने संकेत गर्छ । आरएसआई न्युट्रल जोन ३५ दशमलव २३ विन्दुमा छ । यसले शेयर खरीदविक्री चाप सन्तुलनमा रहेको देखाउँछ । कम्पनीको स्ट्यान्डर्ड डेभिएशन शून्य दशमलव ७४ विन्दुमा छ । उतारचढाव न्यून छ । यस्तो अवस्थामा कम जोखिम हुन्छ भने प्रतिफल पनि कम हुने गर्छ । त्यस्तै, कम्पनीको मुभिङ एभरेजमा २६ दिने औसत मूल्यरेखा र १४ दिने औसत मूल्यरेखा एकअर्कासँग नजिकिएका छन् । यस्तो अवस्थामा १४ दिने औसत मूल्यरेखाले २६ दिने औसत मूल्यरेखालाई माथिबाट काटेर तल झरेमा शेयरमूल्य घट्न सक्छ । हालको मूल्य यी दुई रेखाभन्दा तल छ । पछिल्लो शेयरमूल्य रू. ३ सय ७२ देखि बजारको अवस्था परिवर्तन भई मूल्य महँगिएमा रू. ३ सय ८६ मा प्रतिरोध पाउने र मूल्य सस्तिएमा रू. ३ सय ६४ मा टेवा पाउने देखिन्छ ।

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस