वरुण हाइड्रोपावर : कम्पनी विश्लेषण (बुधवार, ११ वैशाख २०७६)

आर्थिक अभियान

कम्पनीले शत प्रतिशत हकप्रद शेयर निष्कासन गर्न सेबोनमा २०७५ जेठ २२ गते निवेदन दिएको थियो । कम्पनीले २५ लाख ५१ हजार ५ सय कित्ता हकप्रद शेयर जारी गर्न निवेदन दिएको हो । विक्रीप्रबन्धकमा एनआईबीएल एस क्यापिटल लिमिटेड छ । चैत मसान्तसम्ममा कम्पनी रू. २१ लाख ५४ हजार नोक्सानीमा छ । गत आवको सोही अवधिमा रू. ५५ लाख ४५ हजार नोक्सानीमा थियो भने चालू आवको दोस्रो त्रैमासमा रू. ३७ लाख ४२ हजार नाफा कमाएको छ । चैत मसान्तसम्ममा कम्पनीले विद्युत् विक्रीबाट रू. १ करोड ८ लाख आम्दानी गरेको छ । रू. २५ करोड ५१ लाख चुक्तापूँजी रहेको कम्पनीले रिजर्भ कोषमा रू. २ करोड ५३ लाख छुट्याएको छ । मंगलवारको कारोबारमा १ हजार ५० कित्ता शेयर खरीद गर्ने र ६ सय कित्ता शेयर विक्री गर्ने माग थियो ।

कम्पनीको ६२ दिनको कारोबार अवधिको मैनबत्ती विश्लेषणमा कालो क्लोजिङ मारुबोजु आकृति बनेको छ । यस्तो आकृतिले कम्पनीको शेयरमूल्य आगामी दिनमा घट्ने संकेत गर्छ । आरएसआई न्युट्रल जोन ३८ दशमलव ४६ विन्दुमा छ । यसले शेयर खरीदविक्री चाप सन्तुलनमा रहेको देखाउँछ । कम्पनीको स्ट्यान्डर्ड डेभिएशन १ दशमलव ३५ विन्दुमा छ । उतारचढाव न्यून छ । यस्तो अवस्थामा कम जोखिम हुन्छ भने प्रतिफल पनि कम हुने गर्छ । त्यस्तै, कम्पनीको मुभिङ एभरेजमा २६ दिने औसत मूल्यरेखा र १४ दिने औसत मूल्यरेखा एकअर्कासँग जोडिएका छन् । हालको मूल्य यी दुई रेखाभन्दा तल छ । पछिल्लो शेयरमूल्य रू. ९१ देखि बजारको अवस्था परिवर्तन भई मूल्य महँगिएमा रू. ९२ मा प्रतिरोध पाउने देखिन्छ ।

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस