माछापुच्छ्रे बैंक : कम्पनी विश्लेषण (बुधवार, ११ वैशाख २०७६)

आर्थिक अभियान

कम्पनीले १० दशमलव २५ प्रतिशत ब्याजदरमा २०८५ सम्मका लागि ३० लाख कित्ता ऋणपत्र जारी गर्न सेबोनमा चैत २७ गते निवेदन दिएको छ । ३० लाख कित्ता ऋणपत्रमध्ये १८ लाख कित्ताका लागि प्राइभेट सेक्टरका कम्पनीले आवेदन दिन पाउनेछन् भने १२ लाख कित्ता सर्वसाधारणले आवेदन दिन पाउनेछन् । विक्रीप्रबन्धकमा एनएमबी क्यापिटल लिमिटेड छ । चैत मसान्तसम्ममा कम्पनीले रू. १ अर्ब २४ करोड नाफा कमाएको छ । यसमध्ये वितरणयोग्य नाफा रू. ९८ करोड १८ लाख हो । एनएफआरएस प्रणाली अनुसार कम्पनीले विभिन्न शीर्षकमा छुट्याएपछि वितरणयोग्य नाफा आएको हो । हाल कम्पनीको चुक्तापूँजी रू. ८ अर्ब ५ करोड छ । कम्पनीको मंगलवार भएको शेयर कारोबारमा अन्तिम समयसम्म खरीद चापको तुलनामा विक्री चाप बढी छ । सो अवधिसम्म ३२ हजार १ सय १६ कित्ता शेयर विक्री गर्ने र १२ हजार ९ सय ५० कित्ता शेयर खरीद गर्ने माग थियो ।

कम्पनीको ६१ दिनको कारोबार अवधिको अन्तिम दिनमा इन्भर्टेड ह्याम्मर आकृति बनेको छ । यस्तो आकृतिले कम्पनीको शेयरमूल्य बुलिशमा रिभर्स हुने संकेत गर्छ । यसको विश्वसनीयता भने सामान्य छ । आरएसआई ओभरसोल्ड जोन ७९ दशमलव ४४ विन्दुमा छ । यसले शेयर विक्री चाप बढेको देखाउँछ । कम्पनीको स्ट्यान्डर्ड डेभिएशन ३ दशमलव ७० विन्दुमा छ । उतारचढाव न्यून छ । यस्तो अवस्थामा कम जोखिम हुन्छ भने प्रतिफल पनि कम हुने गर्छ । त्यस्तै, कम्पनीको मुभिङ एभरेजमा २६ दिने औसत मूल्यरेखा र १४ दिने औसत मूल्यरेखा एकअर्कासँग टाढिएका छन् । हालको मूल्य यी दुई रेखाभन्दा माथि छ । मंगलवारको शेयरमूल्य रू. २ सय ६६ देखि बजारको अवस्था परिवर्तन भई मूल्य महँगिएमा रू. २ सय ७० मा प्रतिरोध पाउने र मूल्य सस्तिएमा रू. २ सय ६४ मा टेवा पाउने देखिन्छ ।

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस