लुम्बिनी जनरल इन्स्योरेन्स : कम्पनी विश्लेषण (बुधवार, १८ वैशाख २०७६)

आर्थिक अभियान

कम्पनीले पूँजीवृद्धिका लागि २० प्रतिशत हकप्रद शेयर जारी गर्ने प्रस्ताव गरेको छ । उक्त हकप्रद शेयर पारित गर्न कम्पनीले वैशाख २५ गते साधारणसभाको आयोजना गर्ने भएको छ । कम्पनीले नियामक निकाय नेपाल धितोपत्र बोर्डबाट स्वीकृति पाएपछि हकप्रद शेयर जारी गर्नेछ । हाल कम्पनीको चुक्तापूँजी रू. ८८ करोड छ । २० प्रतिशत हकप्रद शेयर निष्कासनपछि कम्पनीको चुक्तापूँजी रू. १ अर्ब ५ करोड पुग्नेछ । बीमा समितिले निर्जीवन बीमा कम्पनीको चुक्तापूँजी रू. १ अर्ब पु¥याउन निर्देशन दिएको थियो । मंगलवार भएको शेयर कारोबारमा विक्री चापको तुलनामा खरीद चाप बढी छ । सो अवधिमा २३ हजार ७ सय ७५ कित्ता शेयर खरीद गर्ने र ३ हजार ५ सय ३४ कित्ता शेयर विक्री गर्ने माग थियो ।

कम्पनीको ६१ दिनको कारोबार अवधिको अन्तिम दिनमा ओपनिङ कालो मारुबोजु आकृति बनेको छ । यस्तो आकृतिले कम्पनीको शेयरमूल्य आगामी दिनमा घट्ने संकेत देखाउँछ । आरएसआई न्युट्रल जोन ५१ दशमलव २६ विन्दुमा छ । यसले शेयर खरीदविक्री चाप सन्तुलनमा रहेको देखाउँछ । कम्पनीको स्ट्यान्डर्ड डेभिएशन १३ दशमलव ८९ विन्दुमा छ । उतारचढाव सामान्य छ । यस्तो अवस्थामा जोखिम कम हुन्छ भने प्रतिफल पनि कम हुने गर्छ । त्यस्तै, कम्पनीको मुभिङ एभरेजमा २६ दिने औसत मूल्यरेखा र १४ दिने औसत मूल्यरेखा एकअर्कासँग टाढिएका छन् । हालको मूल्य यी दुई रेखाभन्दा माथि छ । मंगलवारको शेयरमूल्य रू. ५ सय २१ देखि बजारको अवस्था परिवर्तन भई मूल्य महँगिएमा रू. ५ सय ५५ मा प्रतिरोध पाउने र मूल्य सस्तिएमा रू. ५ सय २ मा टेवा पाउने देखिन्छ ।

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस