गुडविल फाइनान्स : कम्पनी विश्लेषण (बिहीवार, बैशाख २६, २०७६)

May 9, 2019

लगानी कम्पनी विश्लेषण

आर्थिक अभियान चालू आवको तेस्रो त्रैमासमा गुडविल फाइनान्स लिमिटेडले रू. ३ करोड १४ लाख खुद नाफा कमाएको छ । यो गत आवको सोही अवधिको तुलनामा १६ प्रतिशत बढी हो । गत आवको सोही अवधिमा कम्पनीले रू. २ करोड ७० लाख नाफा आर्जन गरेको थियो । तेस्रो त्रैमाससम्ममा कम्पनीको चुक्तापूँजी रू. ८० करोड पुगेको छ । गत आव तुलनामा जगेडा कोषको रकम ११ प्रतिशत बढेर रू. १५ करोड ६१ लाख पुगेको छ । तेस्रो त्रैमासमा कम्पनीको प्रतिशेयर आम्दानी रू. ५ दशमलव २५ छ । प्रतिशेयर नेटवर्थ रू. ११९ दशमलव ५१ छ भने तरलता अनुपात ३१ दशमलव ६२ प्रतिशत छ । कम्पनीको शेयर प्रतिकित्ता रू. ११९ देखि १२० सम्म कारोबार भएको छ । कम्पनीको सो मूल्यमा ४३० कित्ता शेयर कारोबार भएको छ ।

कम्पनीको ५९ दिनको कारोबारमध्ये अन्तिम दिन शेयरमूल्य स्थिर छ । यस्तो मैनबत्तीले कम्पनीको शेयरमूल्य आगामी दिनमा रू. ११७ देखि १२३ सम्म घुमिरहने संकेत गर्छ । आरएसआई न्युट्रन जोन ४८ दशमलव १३ विन्दुमा छ । यसले शेयर विक्री चाप सन्तुलनमा रहेको देखाउँछ । कम्पनीको स्ट्यान्डर्ड डेभिएशन शून्य दशमलव ९७ विन्दुमा छ । उतारचढाव न्यून छ । यस्तो अवस्थामा कम जोखिम हुन्छ भने प्रतिफल पनि कम हुने गर्छ । त्यस्तै, कम्पनीको मुभिङ एभरेजमा २६ दिने औसत मूल्यरेखा र १४ दिने औसत मूल्यरेखा एकअर्कासँग नजिकिएका छन् । हालको मूल्य यी दुई रेखाभन्दा तल छ । बुधवारको शेयरमूल्य रू. १ सय १९ देखि बजारको अवस्था परिवर्तन भई मूल्य महँगिएमा रू. १ सय २० मा प्रतिरोध पाउने र मूल्य सस्तिएमा रू. १ सय १७ मा टेवा पाउने देखिन्छ ।