एनएलजी इन्स्योरेन्स कम्पनी : कम्पनी विश्लेषण ( आइतवार, जेष्ठ ५, २०७६)

आर्थिक अभियान

कम्पनीले पूँजीवृद्धिका लागि ६० प्रतिशत हकप्रद शेयर निष्कासन गर्ने प्रस्ताव गरेको छ । उक्त प्रस्ताव पारित गर्न कम्पनीले जेठ १४ गते साधारणसभाको आयोजना गर्ने भएको छ । हाल कम्पनीको चुक्तापूँजी रू. ६४ करोड ४ लाख छ । ६० प्रतिशत हकप्रद शेयर निष्कासन तथा बाँडफाँट गरेपछि पूँजी रू. १ अर्ब २ करोड पुग्नेछ । कम्पनीले यो प्रस्तावमा नियामक निकाय बीमा समिति र सेबोनबाट स्वीकृति पाएपछि निष्कासन गर्नेछ । बीमा समितिले निर्जीवन बीमा कम्पनीको चुक्तापूँजी रू. १ अर्ब पु¥याउन निर्देशन दिएसँगै कम्पनीले हकप्रद शेयर निष्कासनबाट पूँजीवृद्धि गर्न लागेको हो । कम्पनीको बिहीवार भएको शेयर कारोबारमा अघिल्लो दिनभन्दा २६ अंक घटेर अन्तिम शेयरमूल्य प्रतिकित्ता रू. ८१७ कायम भएको छ । यस दिन कम्पनीको ७ हजार ३७९ कित्ता शेयर कारोबार भएको छ । कम्पनीको ६३ दिनको कारोबार अवधिको अन्तिम दिन कालो मैनबत्ती आकृति बनेको छ । यस्तो आकृतिले कम्पनीको शेयरमूल्य आगामी दिनमा घट्ने संकेत गर्दछ । आरएसआई न्युट्रल जोन ४८ दशमलव ९३ विन्दुमा छ । यसले शेयर खरीदविक्री चाप सन्तुलनमा रहेको देखाउँछ । कम्पनीको स्ट्यान्डर्ड डेभिएशन ६ दशलमव ६० विन्दुमा छ । उतारचढाव न्यून छ । यस्तो अवस्थामा जोखिम कम हुन्छ भने प्रतिफल पनि हुने गर्छ । त्यस्तै कम्पनीको मुभिङ एभरेजमा २६ दिने औसत मूल्यरेखा र १४ दिने औसत मूल्यरेखा एकअर्कासँग टाढिएका छन् । हालको मूल्य १४ दिने औसत मूल्यरेखा र २६ दिने मूल्यरेखाभन्दा तल छ । बिहीवारको शेयरमूल्य रू. ८ सय १७ देखि बजारको अवस्था परिवर्तन भई मूल्य महँगिएमा रू. ८ सय ८२ मा प्रतिरोध पाउने र मूल्य सस्तिएमा रू. ८ सय ४८ मा टेवा पाउने देखिन्छ ।

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस