एशियन लाइफ इन्स्योरेन्स : कम्पनी विश्लेषण (सोमवार, ६ जेठ २०७६)

आर्थिक अभियान

यस कम्पनीले चालू आर्थिक वर्षको तेस्रो त्रैमासमा पुराना जीवन बीमा कम्पनीहरूमध्ये सबैभन्दा बढी प्रतिशत नाफा वृद्धि गरेको छ । कम्पनीले गतवर्षभन्दा यस वर्ष ६३ दशमलव ५४ प्रतिशत बढी नाफा आर्जन गरेको हो । गतवर्ष रू. ३ करोड ३२ लाख ६८ हजार खुद नाफा गरेको कम्पनीले यस वर्ष रू. ५ करोड ४४ लाख ९ हजार नाफा कमाएको छ । कम्पनीले रू. २ अर्ब चुक्तापूँजी पु¥याउन कम्पनीले हाल कायम चुक्तापूँजी रू. १ अर्ब २५ करोड ६७ लाख २५ हजारको आधारमा ६० प्रतिशत हकप्रद शेयर विक्री गरिसकेको छ । हकप्रद वितरण गरेपछि कम्पनीको तोकेबमोजिम चुक्तापूँजी पुग्नेछ । यस वर्षको तेस्रो त्रैमासमा कम्पनीले रू. २ अर्ब ६४ करोड ९० लाख २६ हजार बीमाशुल्क आर्जन गरेको छ । हाल कम्पनीमा २ लाख ६० हजार ७७३ बीमालेख कायम छ । आइतवारको शेयर कारोबारमा कम्पनीको अन्तिम शेयरमूल्य अघिल्लो कारोबारभन्दा ८ अंक घटेर रू. ६६६ कायम भएको छ ।

कम्पनीको ६१ दिनको कारोबार अवधिको अन्तिम दिनमा सामान्य डोजी आकृति भएको मैनबत्ती बनेको छ । यस्तो आकृतिले आगामी दिनमा कम्पनीको शेयरमूल्य बढ्ने वा घट्ने कुनै निश्चित संकेत गर्दैन । आरएसआई न्युट्रल जोन ४७ दशमलव शून्य ९ विन्दुमा छ । यसले शेयर खरीदविक्री चाप सन्तुलनमा रहेको देखाउँछ । कम्पनीको स्ट्यान्डर्ड डेभिएशन ६ दशलमव ८९ विन्दुमा छ । उतारचढाव न्यून छ । यस्तो अवस्थामा जोखिम कम हुन्छ भने प्रतिफल पनि हुने गर्छ । त्यस्तै, कम्पनीको मुभिङ एभरेजमा २६ दिने औसत मूल्यरेखा र १४ दिने औसत मूल्यरेखा एकअर्कासँग नजिकिएका छन् । हालको मूल्य १४ दिने औसत मूल्यरेखाभन्दा तल र २६ दिने मूल्यरेखासँग जोडिएको छ । आइतवारको शेयरमूल्य रू. ४३० देखि बजारको अवस्था परिवर्तन भई महँगिएमा रू. ४५१ मा प्रतिरोध पाउने र सस्तिएमा रू. ४३५ मा टेवा पाउने देखिन्छ ।

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस