सिद्धार्थ इन्स्योरेन्स : कम्पनी विश्लेषण (बुधवार, ८ जेठ २०७६)

आर्थिक अभियान

कम्पनीले पूँजीवृद्धिका लागि १५ दशमलव ४८ प्रतिशत बोनस शेयर वितरण गर्ने प्रस्ताव गरेको छ । कम्पनीको वैशाख ३० गते बसेको सञ्चालक समितिको बैठकले उक्त प्रस्ताव गरेको हो । बीमा समितिबाट स्वीकृति पाएपछि र कम्पनीको आगामी साधारणसभाले पारित गरेपछि शेयरधनीले उक्त बोनस पाउनेछन् । हाल कम्पनीको चुक्तापूँजी रू. ८६ करोड ५९ लाख छ । प्रस्तावित बोनस शेयर वितरण गरेपछि कम्पनीको चुक्तापूँजी रू. १ अर्ब पुग्नेछ । बीमा समितिले निर्जीवन बीमा कम्पनीको चुक्तापूँजी रू. १ अर्ब पुर्‍याउन निर्देशन दिएसँगै कम्पनीले बोनस शेयर वितरण गरेर पूँजीवृद्धि गर्न लागेको हो । मंगलवार कम्पनीको शेयर कारोबारमा विकक्री चापको तुलनामा खरीद चाप बढी छ । सो अवधिमा ४ हजार १८० कित्ता शेयर खरीद गर्ने र २ हजार ८०१ कित्ता शेयर विक्री गर्ने माग थियो ।

कम्पनीको ६० दिनको कारोबार अवधिको अन्तिम दिन लङलेग्ड डोजी आकृति बनेको छ । यस्तो आकृतिले कम्पनीको शेयरमूल्य आगामी दिनमा घट्ने अथवा बढ्ने कुनै पनि निश्चित संकेत देखाउँदैन । आरएसआई न्युट्रल जोन ३९ दशमलव २३ विन्दुमा छ । यसले शेयर खरीदविक्री चाप सन्तुलनमा रहेको देखाउँछ । कम्पनीको स्ट्यान्डर्ड डेभिएशन ९ दशलमव १३ विन्दुमा छ । उतारचढाव न्यून छ । यस्तो अवस्थामा जोखिम कम हुन्छ भने प्रतिफल पनि हुने गर्छ । त्यस्तै, कम्पनीको मुभिङ एभरेजमा २६ दिने औसत मूल्यरेखा र १४ दिने औसत मूल्यरेखा एकअर्कासँग टाढिएका छन् । हालको मूल्य १४ दिने औसत मूल्यरेखा र २६ दिने मूल्यरेखाभन्दा तल छ । मंगलवारको शेयरमूल्य रू. ५ सय ८९ देखि बजारको अवस्था परिवर्तन भई मूल्य महँगिएमा रू. ६ सय २८ मा प्रतिरोध पाउने र मूल्य सस्तिएमा रू. ५ सय ८१ मा टेवा पाउने देखिन्छ ।

प्रतिक्रिया [0]