ग्रामीण विकास लघुवित्त : कम्पनी विश्लेषण (आइतवार, १२ जेठ २०७६)

आर्थिक अभियान

कम्पनीले १ः०.५ अनुपातमा ३२ लाख ७५ हजार कित्ता हकप्रद शेयर वैशाख २७ गतेदेखि जेठ ३० गतेसम्मका लागि जारी गरिरहेको छ । विक्रीप्रबन्धकमा एनआईबीएल एस क्यापिटल लिमिटेड छ । हाल रू. ६५ करोड ५० लाख चुक्तापूँजी रहेको यस कम्पनीको हकप्रद वितरण गरेपछि चुक्तापूँजी रू. ९८ करोड २५ लाख पुग्नेछ । यस आर्थिक वर्षको तेस्रो त्रैमासमा कम्पनीको खुद नाफा रू. १६ करोड ४४ लाख १७ हजार छ । गतवर्षको सोही अवधिमा खुद नाफा रू. १४ करोड ३७ लाख ५३ हजार थियो । कम्पनीको जगेडा कोषमा रू. ५६ करोड २ लाख ५६ हजार छ । तेस्रो त्रैमासमा रू. ३ अर्ब ९ करोड ४२ लाख निक्षेप संकलन गरेको कम्पनीले रू. ९ अर्ब ६८ करोड ३० लाख कर्जा प्रवाह गरेको छ । कम्पनीको प्रतिशेयर आम्दानी वार्षिक रू. ३३ दशमलव ४७ छ । बिहीवारको शेयर कारोबारमा कम्पनीको अन्तिम शेयरमूल्य अघिल्लो दिनभन्दा ९ अंक बढेर रू. ३७८ कायम भएको छ । कम्पनीको शेयरमूल्य बढ्दो क्रममा छ ।

कम्पनीको ६० दिनको कारोबार अवधिलाई लिएर गरिएको मैनबत्ती विश्लेषणमा अन्तिम दिनमा लामो टुप्पी र छोटो पुच्छर भएको सेतो मैनबत्ती आकृति बनेको छ । यस्तो आकृतिले कम्पनीको शेयरमूल्य आगामी दिनमा बढ्ने संकेत देखाउँछ । आरएसआई न्युट्रल जोन ५२ दशमलव ६३ विन्दुमा छ । यसले शेयर खरीदविक्री चाप सन्तुलनमा रहेको देखाउँछ । कम्पनीको स्ट्यान्डर्ड डेभिएशन ८ दशमलव ४० विन्दुमा छ । उतारचढाव न्यून छ । यस्तो अवस्थामा कम जोखिम हुन्छ भने प्रतिफल पनि कम हुने गर्छ । त्यस्तै, कम्पनीको मुभिङ एभरेजमा २६ दिने औसत मूल्यरेखा र १४ दिने औसत मूल्यरेखा एकअर्कासँग नजिकिएका छन् । हालको मूल्य यी दुई रेखाभन्दा माथि छ । बिहीवारको शेयरमूल्य रू. ३७८ देखि बजारको अवस्था परिवर्तन भई मूल्य महँगिएमा रू. ३७९ देखि रू. ४४६ मा प्रतिरोध पाउने र मूल्य सस्तिएमा रू. ३५४ मा टेवा पाउने देखिन्छ ।

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस