एक्सेल डेभलपमेन्ट बैंक : कम्पनी विश्लेषण (बुधवार, १५ जेठ २०७६)

आर्थिक अभियान

यस बैंकले गतवर्षको मुनाफाबाट लगानीकर्तालाई १७ प्रतिशत नगद लाभांश वितरण गरेको छ । हाल कम्पनीको चुक्तापूँजी रू. ६९ करोड २६ लाख ७३ हजार छ । जगेडा कोष रकम रू. २५ करोड ९८ लाख ८५ हजार छ । यस आर्थिक वर्षको ९ महीनामा कम्पनीले रू. ११ करोड ४४ लाख २९ हजार खुद नाफा आर्जन गरेको छ । यो नाफा गतवर्षको सोही अवधिमा रू. ११ करोड ११ लाख २९ हजार थियो । वार्षिक २२ रुपैयाँ ३ पैसा प्रतिशेयर आम्दानी रहेको यस कम्पनीको प्रतिशेयर नेटवर्थ रू. १३३ दशमलव ६९ छ । व्यावसायिक विकासका लागि नयाँ शाखा खोल्ने एवं भइरहेको शाखाको स्तर वृद्धि गर्ने कम्पनीको नीति छ । मंगलवारको शेयर कारोबारमा खरीदविक्री गर्ने अर्डर राखिए पनि म्याचिङ नभएर कारोबार हुन सकेन ।

कम्पनीको ५६ दिनको कारोबार अवधिलाई लिएर गरिएको मैनबत्ती विश्लेषणमा अन्तिम दिन कालो मारुबोजु आकृति बनेको छ । यस्तो आकृतिले कम्पनीको शेयरमूल्य आगामी दिनमा घट्ने संकेत देखाउँछ । आरएसआई न्युट्रल जोन ४९ दशमलव ४२ विन्दुमा छ । यसले शेयर खरीदविक्री चाप सन्तुलनमा रहेको देखाउँछ । कम्पनीको स्ट्यान्डर्ड डेभिएशन ६ दशमलव २२ विन्दुमा छ । उतारचढाव न्यून छ । यस्तो अवस्थामा कम जोखिम हुन्छ भने प्रतिफल पनि कम हुने गर्छ । त्यस्तै, कम्पनीको मुभिङ एभरेजमा २६ दिने औसत मूल्यरेखा र १४ दिने औसत एकअर्कासँग नजिकिएका छन् । हालको मूल्य यी दुई रेखाभन्दा तल छ । पछिल्लो शेयरमूल्य रू. ३ सयदेखि बजारको अवस्था परिवर्तन भई मूल्य महँगिएमा रू. ३१९ मा प्रतिरोध पाउने र मूल्य सस्तिएमा रू. २९२ मा टेवा पाउने देखिन्छ ।

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस