बजार ११८८ विन्दुबाट १३१५ विन्दुमा आइपुग्दा योजनाहरुले कमाए उच्च नाफा

नरहरि आचार्य

जेठ १८, काठमाडौं । वैशाख महीना लागेसँगै नेप्से परिसूचक बढ्न थालेपछि म्युचुअल फण्डहरुले नाफा कमाएका छन् । वैशाख महीनामा मात्र बजार १२६ दशमलव ७४ अंकले बढ्न पुगेको थियो ।

वैशाख २ गते १ हजार १८८ दशमलव ७१ विन्दुमा रहेको नेप्से वैशाख ३१ गते १ हजार ३१५ दशमलव ४५ विन्दुमा पुग्न सफल भएको थियो । लामो समयपछि योजनाहरुले यसरी नाफा कमाउन सकेका हुन् । योजनाहरुको वैशाखमा लाभांशबाट आम्दानी बढेपछि नाफा बढेको हो । गत वर्षको नाफाबाट लाभांश वितरण गरेका कम्पनीहरुले वैशाखमा लाभांश खातामा पठाएका छन् जसले गर्दा योजनाको लाभाँंश आम्दानी बढ्न पुगेको छ ।

सबैभन्दा बढी नाफा कमाउनेमा ग्लोवल आइएमई समुन्ती योजना र सानिमा इक्वीटी फण्ड रहेका छन् । तिन योजना वैशाख मसान्त सम्ममा नोक्सानमा छन् । लक्ष्मी इक्वीटी फण्ड, लक्ष्मी भ्यालु फण्ड र ग्लोवल आइएमई समुन्ती योजना नोक्सानमा रहेका छन् । यि योजनाले चैत मसान्तको तुलानमा भने नोक्सान घटाएका छन् ।

वैशाखमा प्रतिइकाई खुद मूल्य बढी हुने कम्पनी कुन

वैशाख मसान्तमा सबैभन्दा बढी प्रतिइकाई खुद मुल्य एनएमभि सुलभ इन्भेष्टमेण्ट फण्डको रहेको छ । योजनाको एनएभि रू. १२ दशमलव शून्य ८ रहेको छ । योजना एनएभि चैत मसान्तको तुलनामा शून्उ दशमलव ५५ अंकले बढेको हो । दोस्रोमा लक्ष्मी भ्यालु फण्डको रहेको छ । योजनाको एनएभि रू. ११ दशलमव ७९ रहेको छ । १३ योजनामा एनएभि रू. ८ देखि १२ सम्म पुगेको छ । एनएभि रू. १० भन्दा माथि रहेका योजनाका शेयरधनीहरुले नाफामा रहेका छन् भने सो मुनिका योजनाका शेयरधनीहरु भने घाटामा रहेका छन् ।

सूचिकृत शेयरमा कस्को लगानी बढी

वैशाखमा बैंक तथा वित्तीय कम्पनीहरुले तेस्रो त्रैमासिक विवरण सार्वजनिक गर्ने भएकाले पनि योजनाले शेयरमा लगानी बढाएका हुन् । तेस्रो त्रैमासिक विवरण नाफा मुलक आएपछि योजनाहरुले नाफा बुक गरी कमाउन सफल भएका छन् ।

१३ म्युचुअल फण्डहरुले चैत मसान्तको तुलनामा सूचिकृत शेयरमा लगानी औषतमा १०३ प्रतिशतले बढाएका छन् । यि योजनाले वैशाखमा मसान्तमा विभिन्न कम्पनीको शेयरमा गरी कुल रू. ७ अर्ब ५७ करोड लागनी गरेका छन् । चैत मसान्तमा रू. ७ अर्ब ३२ करोड लगानी गरेका थिए ।

जसमा ग्लोवल आईएमई फण्डलेमात्र रू. ८९ करोड ८६ लाख सूचिकृत शेयरमा लगानी गरेको छ । योजनाले चैत मसान्तमा रू. ७९ करोड २० लाख लगानी गरेको थियो । दोस्रोमा सानिमा इक्वीटी फण्डले रू. ७७ करोड ५५ लाख लगानी गरेको छ । योजनाले चैत मसान्तमा रू. ६९ करोड लगानी गरेको थियो ।

प्रतिक्रिया [0]