साना किसान विकास लघुवित्त : कम्पनी विश्लेषण (आइतवार, १९ जेठ २०७६)

(अस)

गत आवको नाफाबाट २६ दशमलव ३१ प्रतिशत लाभांश दिएको साना किसान लघुवित्तले चालू आवको तेस्रो त्रैमाससम्म रू. ३४ करोड ५९ लाख नाफा कमाएको छ । कम्पनीले गत आवमा रू. २ करोड ७८ लाख नाफा कमाएको थियो । कम्पनीले नाफा गत आवको तुलनामा चालू आवमा २४ प्रतिशत बढाएको हो । कम्पनीको खुद ब्याज आम्दानी गत आवको तुलनामा २२ प्रतिशत र सञ्चालन मुनाफा ६ प्रतिशत बढेपछि नाफा बढेको हो । तेस्रो त्रैमासमा कम्पनीको खुद ब्याज आम्दानी रू. ६५ करोड ४० लाख छ भने सञ्चालन मुनाफा रू. ४५ करोड ३२ लाख छ । कम्पनीको निष्क्रिय कर्जा शून्य दशमलव १५ प्रतिशत रहेको छ । कम्पनीको प्रतिशेयर आम्दानी रू. ५८ दशमलव ६९ रहेको छ भने प्रतिशेयर नेटवर्थ रू. २९४ दशमलव ९२ रहेको छ ।

कम्पनीको ६१ दिनको कारोबार अवधिको अन्तिम दिन टुप्पी र पुच्छर भएको कालो मैनबत्ती आकृति बनेको छ । यस्तो आकृतिले कम्पनीको शेयरमूल्य आगामी दिनमा घट्ने संकेत गर्दछ । बिहीवार कम्पनीको शेयरमूल्य रू. १ हजार २० मा शुरू भई १ हजार ६० सम्म पुगेर अन्त्यमा १ हजारमा बन्द भएको छ । सो दिनको बजार नै शुरुआतमा उच्च बढेर अन्त्यमा ओरालो लागेकाले कम्पनीको शेयरमूल्य पनि त्यस्तै भएको छ । आरएसआई न्यूट्रल जोन ५६ दशमलव ४७ विन्दुमा छ । यसले शेयर खरिद विक्री चाप सन्तुलनमा रहेको देखाउँछ । कम्पनीको स्ट्यान्डर्ड डेभिएशन ५ दशमलव १६ विन्दुमा छ । उतारचढाव न्यून छ । यस्तो अवस्थामा जोखिम कम हुन्छ भने प्रतिफल पनि कम हुने गर्छ । त्यस्तै, कम्पनीको मुभिङ एभरेजमा २६ दिने औसत मूल्यरेखा र १४ दिने औसत मूल्यरेखा एकअर्कासँग नजीकिएका छन् ।

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस