जनउत्थान सामुदायिक लघुवित्त : कम्पनी विश्लेषण (आइतवार, २६ जेठ २०७६)

आर्थिक अभियान

कम्पनी शतप्रतिशत हकप्रद शेयर जारी गर्ने तयारीमा रहेको छ । सोही हकप्रद शेयर निष्कासन प्रयोजनका लागि असार २ गते बुक क्लोज गरेको छ । असार १ गतेसम्म शेयर किन्ने शेयरधनीले हकप्रद शेयरमा आवेदन दिन सक्नेछन् । कम्पनीले २ लाख ८८ हजार कित्ता हकप्रद शेयर निष्कासन गर्न बुक क्लोज गरेको हो । विक्री प्रबन्धक सिद्धार्थ क्यापिटल लिमिटेड छ । हाल कम्पनीको चुक्तापूँजी रू. ३ करोड ९० लाख छ । शतप्रतिशत हकप्रद शेयरपश्चात् कम्पनीको चुक्तापूँजी रू. ६ करोड ७८ लाख पुग्छ । चालू आवको चैत मसान्तसम्ममा कम्पनीले रू. १ करोड ८२ लाख नाफा कमाएको हो । बिहीवार कम्पनीको १ सय ९५ कित्ता शेयर खरीदविक्री भएको छ । रू. २ हजार ४० मा खुला भएर अन्तिममा रू. २ हजारमा बन्द भएको छ ।

कम्पनीको ५७ दिनको कारोबार अवधिको अन्तिम दिन कालो क्लोजिङ मारुबोजु आकृति बनेको छ । यस्तो आकृतिले कम्पनीको शेयरमूल्य आगामी दिनमा घट्ने संकेत गर्दछ । आरएसआई न्युट्रल जोन ३८ दशमलव ६५ विन्दुमा छ । यसले शेयर खरीदविक्री चाप सन्तुलनमा रहेको देखाउँछ । कम्पनीको स्ट्यान्डर्ड डेभिएशन ३७ दशलमव ७५ विन्दुमा छ । उतारचढाव न्यून छ । यस्तो अवस्थामा जोखिम कम हुन्छ भने प्रतिफल पनि हुने गर्छ । त्यस्तै कम्पनीको मुभिङ एभरेजमा २६ दिने औसत मूल्यरेखा र १४ दिने औसत मूल्यरेखा एकअर्कासँग टाढिएका छन् । हालको मूल्य १४ दिने औसत मूल्यरेखाभन्दा तल र २६ दिने मूल्यरेखा भन्दा तल छ । बिहीवारको शेयरमूल्य रू. २ हजार देखि बजारको अवस्था परिवर्तन भई महँगिएमा रू. २ हजार ९८ मा प्रतिरोध पाउने देखिन्छ ।

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस