स्वरोजगार लघुवित्त : कम्पनी विश्लेषण (सोमवार, २७ जेठ २०७६)

आर्थिक अभियान

गत आवको नाफाबाट शेयरधनीलाई २० प्रतिशत बोनस शेयर वितरण गरेको कम्पनीले चालू आवको ९ महीनामा रू. ४ करोड २३ लाख नाफा कमाएको छ । कम्पनीको नाफा गत आवको तुलनामा ५८ प्रतिशत बढी हो । गत आवमा कम्पनीले रू. २ करोड ६६ लाख नाफा कमाएको थियो । कम्पनीले हालसम्म २९ जिल्लामा कुल ६२ ओटा शाखा कार्याालयबाट ७४ हजार ५९ विपन्न परिवारमा लघुवित्त सेवा प्रदान गर्दै आएको छ । कम्पनीले ग्रामीण भेगमा कृषि, पशुपालन, सेवा व्यवसाय तथा लघुउद्यमजस्ता व्यवसाय सञ्चालन गर्दै आएको छ । कम्पनीले यस्ता योजनामा प्रायः महिलालाई प्राथमिकता दिने गरेको छ । लघुवित्त कम्पनीहरू बढ्दो क्रममा रहेकाले कर्जा लगानीका लागि स्रोतको अपर्याप्तता र अनिश्चय तथा न्यून स्प्रेडको काम गर्नुपर्ने अवस्था समस्याको रूपमा रहेको लघुवित्तको भनाइ छ । ९ महीनामा कम्पनीको चुक्तापूँजी रू. २६ करोड ९५ लाख छ ।

कम्पनीको ६० दिनको कारोबार अवधिको अन्तिम दिनमा सेतो मारुबोजु आकृति बनेको छ । यस्तो आकृतिले कम्पनीको शेयरमूल्य बढ्ने संकेत देखाउँछ । विश्वसनीयता भने सामान्य छ । आरएसआई न्युट्रल जोन ४२ दशमलव शून्य ५ विन्दुमा छ । यसले शेयर खरीदविक्री चाप सन्तुलनमा रहेको देखाउँछ । स्ट्यान्डर्ड डेभिएशन ४ दशमलव ८० विन्दुमा छ । उतारचढाव न्यून छ । यस्तो अवस्थामा जोखिम कम हुन्छ भने प्रतिफल पनि कम हुने गर्छ । त्यस्तै, कम्पनीको मुभिङ एभरेजमा २६ दिने औसत मूल्यरेखा र १४ दिने औसत मूल्यरेखा एकअर्कासँग टाढिएका छन् । १४ दिने औसत मूल्यरेखा र २६ दिने औसत मूल्यरेखाभन्दा हालको मूल्यरेखा तल छ । बिहीवारको शेयरमूल्य रू. ४७० देखि बजारको अवस्था परिवर्तन भई मूल्य महँगिएमा रू. ४८१ मा प्रतिरोध पाउने र मूल्य सस्तिएमा रू. ४७२ मा टेवा पाउने देखिन्छ ।

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस