सोल्टी होटल : कम्पनी विश्लेषण (मंगलवार, २८ जेठ २०७६)

आर्थिक अभियान

होटलले गत आवको नाफाबाट आफ्ना शेयरधनीलाई १० प्रतिशत बोनस शेयर र १६ दशमलव ३१ प्रतिशत नगद लाभांश वितरण गरेको हो । चालू आवको चैत मसान्तसम्ममा कम्पनीले रू. २३ करोड १० लाख नाफा कमाएको छ । यो नाफा गत आवको सोही अवधिको तुलनामा ५२ प्रतिशत बढी हो । सो अवधिमा कम्पनीले रू. १५ करोड १७ लाख नाफा कमाएको थियो । होटलमा पर्यटकहरूको संख्यामा वृद्धि भएकाले नाफा बढेको हो । चुक्तापूँजी रू. ६६ करोड ६० लाख छ । कम्पनीले रिजर्भ कोषमा रू. ८९ करोड ४२ लाख छुट्याएको छ । चैत मसान्तसम्ममा कम्पनीले रू. १ अर्ब ३१ करोड आम्दानी गरेको छ ।

कम्पनीको ६१ दिनको कारोबार अवधिको अन्तिम दिनमा इन्भर्टेड ह्याम्मर आकृति बनेको छ । यस्तो आकृतिले कम्पनीको शेयरमूल्य बुलिशमा रिभर्स हुने संकेत देखाउँछ । विश्वसनीयता भने सामान्य छ । आरएसआई न्युट्रल जोन ४९ दशमलव शून्य ५ विन्दुमा छ । यसले शेयर खरीदविक्री चाप सन्तुलनमा रहेको देखाउँछ । स्ट्यान्डर्ड डेभिएशन १ दशमलव ६ विन्दुमा छ । उतारचढाव न्यून छ । यस्तो अवस्थामा जोखिम कम हुन्छ भने प्रतिफल पनि कम हुने गर्छ । त्यस्तै, कम्पनीको मुभिङ एभरेजमा २६ दिने औसत मूल्यरेखा र १४ दिने औसत मूल्यरेखा एकअर्कासँग टाढिएका छन् । १४ दिने औसत मूल्यरेखा र २६ दिने औसत मूल्यरेखाभन्दा हालको मूल्यरेखा तल छ । सोमवारको शेयरमूल्य रू. २३५ देखि बजार अवस्था परिवर्तन भई मूल्य महँगिएमा रू. २४५ मा प्रतिरोध पाउने र मूल्य सस्तिएमा रू. २२६ मा टेवा पाउने देखिन्छ ।

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस