ओरियन्टल होटल्स लिमिटेड : कम्पनी विश्लेषण (मंगलवार, २८ जेठ २०७६)

आर्थिक अभियान

कम्पनीले चालू आवको तेस्रो त्रैमाससम्ममा रू. २० करोड ७४ लाख नाफा कमाएको छ । यो नाफा गत आवको सोही अवधिको तुलनामा ६ प्रतिशत बढी हो । सो अवधिमा कम्पनीले रू. १९ करोड ५१ लाख नाफा कमाएको थियो । हाल कम्पनीको चुक्तापूँजी रू. १ अर्ब ७ करोड छ । रिजर्भ कोषमा रू. १ अर्ब ८ करोड छुट्याएको छ । कम्पनीले गत आवको नाफाबाट शेयरधनीलाई १५ प्रतिशत बोनस शेयर वितरण गरेको छ । प्रतिशेयर आम्दानी रू. १९ दशमलव ३१, मूल्य आम्दानी अनुपात २२ दशमलव ८५ र प्रतिशेयर नेटवर्थ रू. २ सय दशमलव ६६ छ । सोमवार कम्पनीको शेयरमूल्य रू. ६४४ कायम भएको छ । यो अघिल्लो कारोबार दिनको तुलनामा २ अंक बढी हो । सोमवार कम्पनीको ७ हजार ४० कित्ता शेयर खरीदविक्री भएको छ ।

कम्पनीको ५९ दिनको कारोबार अवधिको अन्तिम दिनमा ह्याम्मर आकृति बनेको छ । यस्तो आकृतिले कम्पनीको शेयरमूल्य बुलिशमा रिभर्स हुने संकेत देखाउँछ । विश्वसनीयता भने सामान्य छ । आरएसआई न्युट्रल जोन ५७ दशमलव ६५ विन्दुमा छ । यसले शेयर खरीदविक्री चाप सन्तुलनमा रहेको देखाउँछ । स्ट्यान्डर्ड डेभिएशन ९ दशमलव ५७ विन्दुमा छ । उतारचढाव न्यून छ । यस्तो अवस्थामा जोखिम कम हुन्छ भने प्रतिफल पनि कम हुने गर्छ । त्यस्तै, कम्पनीको मुभिङ एभरेजमा २६ दिने औसत मूल्यरेखा र १४ दिने औसत मूल्यरेखा एकअर्कासँग टाढिएका छन् । हालको मूल्य १४ दिने औसत मूल्यरेखा र २६ दिने औसत मूल्यरेखाको बीचमा छ । सोमवारको शेयरमूल्य रू. ६४४ देखि बजार अवस्था परिवर्तन भई मूल्य महँगिएमा रू. ६५८ मा प्रतिरोध पाउने र मूल्य सस्तिएमा रू. ६२९ मा टेवा पाउने देखिन्छ ।

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस