नयाँ नेपाल लघुवित्त वित्तीय संस्था : कम्पनी विश्लेषण (सोमवार, २ असार २०७६)

आर्थिक अभियान

चालू आवको तेस्रो त्रैमासमा कम्पनीले रू. ८३ लाख २६ हजार नाफा कमाएको छ । यो नाफा गत आवको सोही अवधिको तुलनामा ३५ गुणा बढी हो । सो अवधिमा कम्पनीले रू. २ लाख ३६ हजार नाफा कमाएको थियो । चालू आवको तेस्रो त्रैमासमा कम्पनीले रू. ५० लाख ९८ हजार खराब कर्जा उठाउनुका साथै खुद ब्याज आम्दानी र सञ्चालन नाफा बढेकाले नाफामा वृद्धि भएको हो । हाल कम्पनीको चुक्तापूँजी रू. ८ करोड ४० लाख छ । रिजर्भ कोषमा रू. ३ करोड ३ लाख छुट्यएको छ । निष्क्रिय कर्जा २ दशमलव ३२ प्रतिशतबाट घटेर १ दशमलव ९६ प्रतिशतमा आएको छ । कम्पनीले रू. ५० लाखभन्दा बढी खराब कर्जा उठाएकाले निष्क्रिय कर्जा घटेको हो । प्रतिशेयर आम्दानी (वार्षिक) रू. १३ दशमलव २१, मूल्य आम्दानी अनुपात ६६ दशमलव २० र प्रतिशेयर नेटवर्थ रू. १३६ दशमलव ११ छ ।

कम्पनीको ६० दिनको कारोबार अवधिको अन्तिम दिनमा इन्भर्टेड ह्याम्मर आकृति बनेको छ । यस्तो आकृतिले कम्पनीको शेयरमूल्य बुलिशमा रिभर्स हुने संकेत गर्छ । विश्वसनीयता भने सामान्य छ । आरएसआई न्युट्रल जोन ३६ दशमलव २९ विन्दुमा छ । यसले शेयर खरीदविक्री चाप सन्तुलनमा रहेको देखाउँछ । कम्पनीको स्ट्यान्डर्ड डेभिएशन ४ दशमलव ११ विन्दुमा छ । उतारचढाव न्यून छ । यस्तो अवस्थामा कम जोखिम हुन्छ भने प्रतिफल पनि कम हुने गर्छ । त्यस्तै, कम्पनीको मुभिङ एभरेजमा २६ दिने औसत मूल्यरेखा र १४ दिने औसत मूल्यरेखा एकअर्कासँग टाढिएका छन् । हालको मूल्य यी दुई रेखाभन्दा तल छ । आइतवारको शेयरमूल्य रू. ३८० देखि बजारको अवस्था परिवर्तन भई मूल्य महँगिएमा रू. ३८७ मा प्रतिरोध र मूल्य सस्तिएमा रू. ३७४ मा टेवा पाउने देखिन्छ ।

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस