नेपाल क्रेडिट एन्ड कमर्श बैंक : कम्पनी विश्लेषण (सोमवार, ९ असार २०७६)

Jun 24, 2019

लगानी कम्पनी विश्लेषण

आर्थिक अभियान वाणिज्य बैंकका लागि नेपाल राष्ट्र बैंकले तोकेबमोजिम चुक्तापूँजी यस बैंकको पुगेको छैन । हाल बैंकको चुुक्तापूँजी रू. ७ अर्ब १ करोड ८५ लाख ८७ हजार छ । यस बैंकले विगत २ आर्थिक वर्षको साधारणसभा गर्न बाँकी छ । बैंकले हालसम्म साधारणसभाको तयारी गरेको देखिँदैन । अघिल्लो आर्थिक वर्षको वित्तीय विवरण राष्ट्र बैंकबाट स्वीकृत भए पनि गत आर्थिक वर्षको हुन बाँकी रहेको बैंकले जानकारी दिएको छ । तेस्रो त्रैमासको वित्तीय विवरण अनुसार बैंकले रू. १ अर्ब १६ करोड ४० लाख ३० हजार खुद नाफा कमाएको छ । यस अवधिमा बैंकको वितरणयोग्य नाफा रू. ८३ करोड ९९ लाख ४४ हजार छ । आइतवारको कारोबारमा बैंकको अन्तिम शेयरमूल्य रू. २५७ कायम भएको छ । यो अघिल्लो दिनभन्दा १ अंक कम हो । यस दिन बैंकको ४२ हजार ५६६ कित्ता शेयर कारोबार भएको छ ।

कम्पनीको ६२ दिनको कारोबार अवधिको अन्तिम दिनमा इभिनिङ स्टार बियरिश आकृति भएको मैनबत्ती बनेको छ । यस्तो आकृतिले कम्पनीको शेयरमूल्य आगामी दिनमा बियरिश ट्रेन्डमा रिभर्स हुने संकेत देखाउँछ । यसको विश्वसनीयता उच्च छ । आरएसआई न्युट्रल जोन ५७ दशमलव ८५ विन्दुमा छ । यसले शेयर खरीदविक्री चाप सन्तुलनामा रहेको देखाउँछ । कम्पनीको स्ट्यान्डर्ड डेभिएशन शून्य दशलमव ७४ विन्दुमा छ । उतारचढाव न्यून छ । यस्तो अवस्थामा जोखिम कम हुन्छ भने प्रतिफल पनि कम हुने गर्छ । त्यस्तै, कम्पनीको मुभिङ एभरेजमा २६ दिने औसत मूल्यरेखा र १४ दिने औसत मूल्यरेखा एकअर्कासँग टाढिन खोजेका छन् । हालको मूल्य १४ दिने औसत मूल्यरेखा र २६ दिने मूल्यरेखाभन्दा तल छ । आइतवारको शेयरमूल्य रू. २५७ देखि बजारको अवस्था परिवर्तन भई मूल्य महँगिएमा रू. २५८ मा प्रतिरोध र मूल्य सस्तिएमा रू. २५६ मा टेवा पाउने देखिन्छ ।