हिमालयन पावर पार्टनर : कम्पनी विश्लेषण (सोमवार, ९ असार २०७६)

आर्थिक अभियान

यस कम्पनीले लमजुङ जिल्लामा २७ मेगावाट क्षमताको दोर्दी खोला जलविद्युत् आयोजना २०७१ साल फागुनदेखि नै निर्माण शुरू गरेको छ । १ लाख ३४ हजारभन्दा बढी शेयरधनी रहेको यस कम्पनीको अधिकृत पूँजी रू. २ अर्ब ७० करोड छ । यस कम्पनीले जारी पूँजीबराबरको शेयर जारी गरी रू. १ अर्ब ६ करोड ५४ लाख १७ हजार चुक्तापूँजी पु¥याइसकेको छ । आयोजना निर्माणाधीन अवस्थामा रहेको यस कम्पनीले २०७४ असार १ गते सर्वसाधारणका लागि शेयर जारी गरेको थियो । आयोजनाको निर्माण हालसम्म ८० प्रतिशतभन्दा बढी सम्पन्न भएको छ । गत असार मसान्तसम्ममा सम्पन्न गर्नुपर्ने आयोजना सम्पन्न नभएपछि नेपाल विद्युत् प्राधिकरणसँगको सम्झौता संशोधन गरेको छ । कम्पनीले संशोधित सम्झौता अनुसार सन् २०१९ अगस्ट ३१ मा विद्युत् प्रवाह गर्ने गरी काम गरिरहेको छ । आइतवार कम्पनीको शेयरमूल्य रू. १८० कायम भएको छ । सो दिन कम्पनीको ४३० कित्ता शेयर खरीदविक्री भएको छ ।

कम्पनीको ६३ दिनको कारोबार अवधिको अन्तिम दिनमा सेतो क्लोजिङ मारुबोजु आकृति बनेको छ । यस्तो आकृतिले कम्पनीको शेयरमूल्य आगामी दिनमा बढ्ने संकेत देखाउँछ । आरएसआई न्युट्रल जोन ४७ दशमलव ८२ विन्दुमा छ । यसले शेयर खरीदविक्री चाप सन्तुलनमा रहेको देखाउँछ । कम्पनीको स्ट्यान्डर्ड डेभिएशन १ दशलमव शून्य ९ विन्दुमा छ । उतारचढाव न्यून छ । यस्तो अवस्थामा जोखिम कम हुन्छ भने प्रतिफल पनि कम हुने गर्छ । त्यस्तै, कम्पनीको मुभिङ एभरेजमा २६ दिने औसत मूल्यरेखा र १४ दिने औसत मूल्यरेखा एकअर्कासँग टाढिएका छन् । हालको मूल्य १४ दिने औसत मूल्यरेखा र २६ दिने मूल्यरेखाभन्दा तल छ । आइतवारको शेयरमूल्य रू. १८० देखि बजारको अवस्था परिवर्तन भई मूल्य महँगिएमा रू. १९० मा प्रतिरोध पाउने र मूल्य सस्तिएमा रू. १७७ मा टेवा पाउने देखिन्छ ।

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस