युनाइटेड इन्स्योरेन्स कम्पनी : कम्पनी विश्लेषण (मंगलवार, १० असार २०७६)

Jun 25, 2019

लगानी कम्पनी विश्लेषण

Kishwor Bam कम्पनीले हकप्रद शेयर जारी गर्न नियामक निकाय नेपाल धितोपत्र बोर्डबाट स्वीकृति पाएसँगै शेयरमूल्यमा वृद्धि भएको छ । सोमवार पहिलो कारोबार अवधिमा नै कम्पनीको शेयरमूल्य रू. ४० ले बढेर रू. ९४० सम्म पुगेको थियो । अन्त्यमा कम्पनीको शेयरमूल्य रू. ९०६ कायम भएको छ । सोमवार कम्पनीको ३ हजार ९११ कित्ता शेयर खरीदविक्री भएको छ । कम्पनीले पूँजीवृद्धिका लागि २४० प्रतिशत हकप्रद शेयर निष्कासन गर्न लागेको हो । कम्पनीले ७२ लाख ५७ हजार ६ सय कित्ता हकप्रद शेयर जारी गर्नेछ । विक्रीप्रबन्धकमा एनएमबी क्यापिटल लिमिटेड छ । हाल कम्पनीको चुक्तापूँजी रू. ३० करोड २४ लाख छ । २४० प्रतिशत हकप्रद शेयर निष्कासन तथा बाँडफाँट गरेपछि पूँजी रू. १ अर्ब २ करोड पुग्नेछ ।

कम्पनीको ६२ दिनको कारोबार अवधिलाई लिएर गरिएको मैनबत्ती विश्लेषणमा अन्तिम दिनमा इन्भर्टेड ह्याम्मर आकृति बनेको छ । यस्तो आकृतिले कम्पनीको शेयरमूल्य आगामी दिनमा बुलिशमा रिभर्स हुने संकेत देखाउँछ । विश्वसनीयता भने सामान्य छ । आरएसआई न्युट्रल जोन ४२ दशमलव ४२ विन्दुमा छ । यसले शेयर खरीदविक्री चाप सन्तुलनमा रहेको देखाउँछ । कम्पनीको स्ट्यान्डर्ड डेभिएशन ९ दशलमव १२ विन्दुमा छ । उतारचढाव न्यून छ । यस्तो अवस्थामा कम जोखिम हुन्छ भने प्रतिफल पनि कम हुने गर्छ । त्यस्तै, कम्पनीको मुभिङ एभरेजमा २६ दिने औसत मूल्यरेखा र १४ दिने औसत एकअर्कासँग टाढिएका छन् । हालको मूल्य यी दुई रेखाभन्दा तल छ । सोमवारको शेयरमूल्य रू. ९०६ देखि बजारको अवस्था परिवर्तन भई मूल्य महँगिएमा रू. १०४० मा प्रतिरोध पाउने र मूल्य सस्तिएमा रू. ८८३ मा टेवा पाउने देखिन्छ ।