वरुण हाइड्रोपावर : कम्पनी विश्लेषण (बुधवार, ११ असार २०७६)

Jun 26, 2019

लगानी कम्पनी विश्लेषण

Kishwor Bam कम्पनीले शत प्रतिशत हकप्रद शेयर निष्कासन गर्न सेबोनमा २०७५ जेठ २२ गते निवेदन दिएको छ । बोर्डले निवेदन स्वीकृत गरेमा कम्पनीले २५ लाख ५१ हजार ५ सय कित्ता हकप्रद शेयर जारी गर्नेछ । हकप्रद विक्री व्यवस्थापनका लागि कम्पनीले एनआईबीएल एस क्यापिटल लिमिटेडलाई नियुक्त गरेको छ । हाल कम्पनीको चुक्तापूँजी रू. २५ करोड ५१ लाख छ भने रिजर्भ कोषमा रू. २ करोड ५३ लाख छ । यस कम्पनीको शेयरमूल्य अंकित मूल्यभन्दा तल नै छ । सोमवारको कारोबारमा कम्पनीको अन्तिम शेयरमूल्य अघिल्लो दिनभन्दा १ अंक घटेर रू. ९१ कायम भएको छ । यस दिन कम्पनीको ६० कित्ता शेयर कारोबार भएको छ ।

कम्पनीको ६० दिनको कारोबार अवधिलाई लिएर गरिएको मैनबत्ती विश्लेषणमा अन्तिम दिन फोर प्राइस डोजी आकृति बनेको छ । यस्तो आकृतिले कम्पनीको शेयरमूल्य आगामी दिनमा बढ्ने अथवा घट्ने कुनै निश्चित संकेत गर्दैन । आरएसआई न्युट्रल जोन ४१ दशमलव ७५ विन्दुमा छ । यसले शेयर खरीदविक्री चाप सन्तुलनमा रहेको देखाउँछ । कम्पनीको स्ट्यान्डर्ड डेभिएशन शून्य दशमलव ४८ विन्दुमा छ । उतारचढाव न्यून छ । यस्तो अवस्थामा कम जोखिम हुन्छ भने प्रतिफल पनि कम हुने गर्छ । त्यस्तै, कम्पनीको मुभिङ एभरेजमा २६ दिने औसत मूल्यरेखा र १४ दिने औसत मूल्यरेखा एकअर्कासँग टाढिएका छन् । हालको मूल्य यी दुई रेखाभन्दा तल छ । पछिल्लो शेयरमूल्य रू. ९१ देखि बजारको अवस्था परिवर्तन भई मूल्य महँगिएमा रू. ९२ मा प्रतिरोध र सस्तिएमा ९० मा टेवा पाउने देखिन्छ ।