सातामा ७.२१ अंकले घटेको नेप्सेको कारोवार हिमालयन डिस्टिलरीले बढायो, मार्जिन कारोबारको शुरुवातपछि बजार बढ्ने अनुमान

नरहरि आचार्य

काठमाडौं(अस) । गत साताको तुलनामा नेप्से परिसूचक ७ दशमलव २१ अंकले घटेको छ । गत साताको असार १२ गते बिहीवार १ हजार २६४ दशमलव ३६ विन्दुमा बन्द भएको परिसूचक यस साताको बिहीवार १ हजार २५७ दशमलव १५ विन्दुमा बन्द भएको छ । यस साताको आइतवार र बिहीवारको तुलनामा भने नेप्से परिसूचक २ दशमलव ८० अंकले बढेको छ । आइतवार १ हजार २५४ दशमलव ३५ विन्दुमा बन्द भएको थियो । सातामा नेप्से पाँच दिन कारोबार भएको छ । पाँच दिनको कारोबारमा दुई दिन बजार बढेको थियो भने तिन दिन घटेको छ । सातामा ६ दशमलव ७१ अंक बढेको छ भने १३ दशमलव ९३ अंकले घटेको छ । सातामा नेप्से परिसूचक १ हजार २६१ दशमलव ०७ विन्दुभन्दा माथि जान सकेन । मार्जिन कारोबारले बजार बढ्ने अनुमान बिहीवार आठ ब्रोकर कम्पनीहरुलाई मार्जिन कारोबारको लागि नेप्सेले अनुमति दिएको छ । नेपाल राष्ट्र बैङकबाट ११ ओटा ब्रोकर कम्पनीहरुले मार्जिन कारोबारको लागि स्विकृती पाएका छन् । बैंकको चर्को व्याजदरमा ऋण लिई शेयर बजारमा लगानी गरेका लगानीकर्ताहरुको लागि यो खुशीको कुरा पनि हो । आम लगानीकर्ताहरुले मार्जिन कारोबारपछि शेयर बजार सुधार हुने आशा लिएका छन् । ब्रोकर कम्पनीहरुले बैंकले दिएको व्याजदरको तुलनामा कम व्याजदरमा कर्जा प्रवाह गर्ने बताएका छन् । ब्रोकर कम्पनीहरुलाई कारोबार रकम बढेमा आफुहरुलाइ फाइदा हुने हुँदा बैंकले भन्दा सरल रुपमा लगानीकर्ताहरुसँग समन्वय गरेरे व्याजदर तोक्ने बताएका छन् । मार्जिन कारोबार चालू आवमानै लागु हुने समेत ब्रोकरले जानकारी गराएका छन् । लगानीकर्ताहरुलाई बैंकले गर्ने मार्जिन कलको समते त्रास नहुने र कम व्याजमा लगानी गर्ने अवसर हुने भएकाले आगामी दिनमा कारोबार रकम बढ्ने ब्रोकर बताउँछन् । सातामा बजार पूँजीकरण र सेन्सेटिभ इन्डेक्समा कस्तो परिवर्तन आयो ? गत साताको तुलनामा बजार पूँजीकरण शून्य दशमलव ५५ प्रतिशतले घटेको छ । गत साताको अन्तिम बिहीवार रू. १५ खर्ब ७३ अर्ब रहेको बजार पूँजीकरण असार १२ गते बिहीवार रू. १५ खर्ब ६४ अर्बमा आइपुगेको छ । सेन्सेटिभ इन्डेक्स शून्य दशमलव शून्य ४४ अंकले घटेको छ । अघिल्लो साताको बिहीवार २७१ दशमलव ६ विन्दुमा रहेको सेन्सेटिभ इन्डेक्स यस साताको बिहीवार २७१ दशलमव १६ विन्दुमा आइपुगेको छ । सातामा भएको कारोबार सातामा ७६ लाख ७२ हजार ५६४ कित्ता शेयरको रू. २ अर्ब ५२ करोड बराबरको शेयर कारोबार भएको छ । गत सातामा ७९ लाख ३ हजार ८८२ कित्ता शेयरको रू. १ अर्ब ९१ करोड बराबरको शेयर कारोबार भएको थियो । गत साताको तुलनामा कारोबार रकम रू. ६१ करोड ११ लाख बढेको हो । गत साताको तुलनामा कारोबार रकम बढ्दै गएको छ । सातामा तिन दिन रू. ५० करोड भन्दा मुनी कारोबार भएको थियो भने बुधवार र बिहीवार कारोबार रकम बढ्न पुगेको थियो । बुधवार र बिहीवार हिमालयन डिस्टिलरीको सर्वाधिक कारोबार हुँदा कारोबार रकम बढ्न पुगेको हो । बुधवार रू. १९ करोड ४२ लाखको शेयर कारोबार भएको थियो भने बिहीवार रू. १४ करोड ९७ लाख बराबरको शेयर कारोबार भएको थियो । सोही कारण यस साता कारोबार रकम बढ्न पुगेको हो । गत साताको तुलनामा कारोबार रकम ३१ दशमलव ७५ प्रतिशत बढ्न पुगेको हो । गत साताको तुलनामा उपसमूहको परिसूचकमा आएको वृद्धिदर सातामा सर्वाधिक कारोबार भएका कम्पनी सातामा सर्वाधिक बजार पूँजीकरण भएका कम्पनी  

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस