ग्लोबलका विद्यार्थी विदेशमा अब्बल

आर्थिक अभियान

काठमाडौंको मध्य बानेश्वरस्थित ग्लोबल कलेज अफ म्यानजमेन्टले अंग्रेजी माध्यममा व्यवस्थापन संकायको अध्यापन गराउँदै आएको छ । कलेजले राष्ट्रिय परीक्षा बोर्डअन्तर्गत कक्षा ११ र १२ मा व्यवस्थापन संकाय तथा त्रिभुवन विश्वविद्यालयअन्तर्गत बीबीएस र एमबीएस संकायमा अध्यापन गराइरहेको छ । कलेजले व्यवस्थापन संकायको शिक्षण र अनुसन्धानमा प्रतिष्ठित केन्द्रको रूपमा स्थापित हुने लक्ष्य लिएको कलेजका प्रबन्ध निर्देशक खगेन्द्रप्रसाद ओझाले बताए । ‘ग्लोबल आफ्नो लक्ष्य र करीअर खोजिरहेका विद्यार्थीको पहिलो रोजाइ हो,’ उनले भने, ‘कलेजले गुणस्तरीय शिक्षामार्फत विद्यार्थीको प्रयोगात्मक शीप, व्यावसायिक क्षमता विकासमा जोड दिएको छ ।’ विद्यार्थीको सहजताका लागि सुविधासम्पन्न भौतिक पूर्वाधारसहित अतिरिक्त पाठ्यक्रम समेत अध्यापन गराइँदै आएको कलेजले बताएको छ । यसले विद्यार्थीको व्यक्तित्व विकासमा ठूलो टेवा पुगेको प्रबन्ध निर्देशक ओझाको भनाइ छ । उक्त कलेजमा आधुनिक पुस्तकालय, एसीसहितको सेमिनार हल, उच्चगतिको इन्टरनेटयुक्त कम्प्युटर ल्याबलगायतको व्यवस्था छ । विद्यार्थीको व्यक्तित्व विकासका लागि कलेजले उनीहरूलाई फिल्ड भिजिट, अनुसन्धानमूलक अध्ययन, प्रिजेन्टेशन, घटनाको अध्ययन लगायत विषयमा पनि अग्रसर गराउँदै आएको छ । कलेजबाट दीक्षित विद्यार्थी विदेशमा राम्रो अवसर पाउन सफल रहेको बताइएको छ । अन्तरराष्ट्रियस्तरको शिक्षा प्रदान गर्न कलेजसँग उत्कृष्ट शिक्षक, संरचनासहित अनुकूल वातावरण रहेको र प्रत्येक वर्ष कलेजले उत्कृष्ट नतीजा हासिल गरेको कलेजको दाबी छ ।

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस