मल्टिपर्पोज फाइनान्स : कम्पनी विश्लेषण (बिहीवार, २६ असार २०७६)

आर्थिक अभियान

असार २३ गतेदेखि कम्पनीले ८६५ प्रतिशत हकप्रद शेयर जारी गरेको छ । साउन २६ गतेसम्म विक्रीमा रहने गरी कम्पनीले ३५ लाख ८५ हजार २६४ कित्ता हकप्रद शेयर जारी गरेको हो । उक्त हकप्रद शेयर प्रयोजनका लागि कम्पनीले असार ११ गते बुक क्लोज गरेको छ । असार १० गतेसम्म कायम शेयरधनीले हकप्रद खरीदका लागि आवेदन दिन सक्छन् । विक्रीप्रबन्धकमा सिद्धार्थ क्यापिटल लिमिटेड छ । हाल कम्पनीको चुक्तापूँजी रू. ४ करोड १४ लाख छ । यो हकप्रद शेयर निष्कासन तथा बाँडफाँट गरेपछि पूँजी रू. ४० करोड पुग्नेछ । बुधवारको शेयर कारोबारमा कम्पनीको अन्तिम शेयरमूल्य रू. १४१ कायम भएको छ । यो अघिल्लो दिनको तुलनामा ६ अंक बढी हो ।

कम्पनीको ५२ दिनको कारोबार अवधिको अन्तिम दिनमा सेतो ओपनिङ मारुबोजु आकृति बनेको छ । यस्तो आकृतिले कम्पनीको शेयरमूल्य आगामी दिनमा बढ्ने संकेत देखाउँछ । आरएसआई न्युट्रल जोन ४१ दशमलव ६५ विन्दुमा छ । यसले शेयर खरीदविक्री चाप सन्तुलनमा रहेको देखाउँछ । कम्पनीको स्ट्यान्डर्ड डेभिएशन ५ दशलमव ९५ विन्दुमा छ । उतारचढाव न्यून छ । यस्तो अवस्थामा जोखिम कम हुन्छ भने प्रतिफल पनि हुने गर्छ । त्यस्तै, कम्पनीको मुभिङ एभरेजमा २६ दिने औसत मूल्यरेखा र १४ दिने औसत मूल्यरेखा एकअर्कासँग टाढिएका छन् । हालको मूल्य १४ दिने औसत मूल्यरेखा र २६ दिने मूल्यरेखाको बीचमा छ । बुधवारको शेयरमूल्य रू. १४१ देखि बजारको अवस्था परिवर्तन भई मूल्य महँगिएमा रू. २३६ मा प्रतिरोध पाउने र मूल्य रू. ११९ मा टेवा पाउने देखिन्छ ।

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस