कलेज प्रोफाइल : पार्टटाइम पढ्नेको रोजाइ साउथ वेस्टर्न बिजनेश कलेज

बीबीए शैक्षिक कार्यक्रम सञ्चालनमा ल्याएको साउथ वेस्टर्न बिजनेश कलेजले कामका कारण नभ्याउने विद्यार्थीका लागि पार्टटाइम पढ्ने समेत व्यवस्था गरेको छ । बिहानका कक्षा पढेर काममा जानुपर्ने विद्यार्थीले नभ्याउने कक्षा छोड्न पाउने सुविधा कलेजले दिएको हो । विद्यार्थीले यसरी छोडिने कक्षाका नोट तथा प्रिजेन्टेसनहरू साथी तथा कलेजबाट लिई शिक्षकले दिएका असाइन्मेन्टहरू शिक्षकसँग सम्पर्कमा बसी तयार गरी आफ्नो काम र पढाइ दुवैलाई सँगै अगाडि बढाउन सक्छन् । 

यो कलेज चक्रपथस्थित वसुन्धारा चौकीको सामुन्नेबाट करीब १०० मिटरको दूरीमा छ । बीबीएका विद्यार्थीले सातौं सेमेस्टरमा गर्नुपर्ने इन्टर्नशिपमा जाँदा नै जब अपोइन्टमेन्ट पाएका उदाहरण यस कलेजसँग छन् । रिफ्रेशमेन्टका लागि हाइकिङदेखि जब मार्केट बुझ्न कलेजले उद्योग, बैंक तथा वित्तीय क्षेत्रको भ्रमण गराउने गरेको छ । बैंक तथा वित्तीय संस्थाका साथै लामो समयदेखि शिक्षण पेशामा आबद्ध शिक्षकद्वारा पढ्ने अवसर यस कलेजमा छ । 

आर्थिक अभावका कारण पढ्न नपाउने बाध्यता आउन नदिन विद्यार्थीलाई बैंक ऋण उपलब्ध गराउने व्यवस्थाका लागि कलेजले प्रक्रिया थालेको छ । विद्यार्थीले आप्mना सक्कल शैक्षिक प्रमाणपत्र कलेजलाई बुझाएर भर्ना भएपछि पढाइ निरन्तर हुन्छ । यसका लागि कलेजप्रतिको विश्वासका आधारमा बैंकले विद्यार्थीका लागि आवश्यक पढाइ खर्च ऋणका रूपमा उपलब्ध गराउँछन् भने विद्यार्थीले विस्तारै किस्ता किस्तामा ऋण चुक्ता गर्दै जान सक्छन् । 

विषयसँग मिल्दो प्रिजेन्टेशन तथा क्रियाकलापमा सहभागी गराई कलेजले विद्यार्थीलाई जब मार्केटका लागि तयार गर्दछ । कलेज शहरभित्रै भए पनि शान्त वातावरणमा पढ्ने अवसर छ । 

प्रतिक्रिया [0]