नेपाल संवत्

लक्ष्मी पूजाको भोलिपल्ट अर्थात् गोवद्र्धन पूजाका दिनबाट नयाँ वर्ष शुरू हुने नेपाल संवत् विसं. ९३६ मा काठमाडौंका व्यापारी शंखधर शाख्वाले प्रचलनमा ल्याएका हुन् । उनले जनताको ऋण तिरिदिएर नेपाल संवत्को शुरूआत गरेको भनाइ रहीआएको छ । उक्त समयदेखि चन्द्र शमशेरको पालासम्म नेपाल मण्डल (काठमाडौं उपत्यका)मा सरकारी कामकाजमा नेपाल संवत्कै प्रयोग हुँदै आएको थियो । त्यसयता हरेक वर्ष नेपाल संवत्को नयाँ वर्ष शुरुआत (लक्ष्मी पूजाको भोलिपल्ट) एक दिन विभिन्न कार्यक्रम गर्नेबाहेक राष्ट्रिय रूपमा यसको प्रयोग रहेको छैन ।

सरकारले यसलाई राष्ट्रिय संवत्को मान्यता दिए पनि प्रचार प्रसारको कमीका कारण देशव्यापी प्रयोगमा ल्याउन नसकिएको नेपाल संवत् न्हूदँ ११४० राष्ट्रिय समारोह समितिका अध्यक्ष रमेश महर्जन बताउँछन् । यो पटक विभिन्न विद्वान्हरूको भेला राखी यसको महत्वका सम्बन्धमा बृहत् छलफल चलाउने योजना रहेको महर्जनले जानकारी दिए ।

प्रतिक्रिया [0]